Wednesday, April 03, 2019

Borderlands 3 外掛小故事




上星期半夜兩點起床,唔係睇波,唔係肚餓,亦都唔係夜尿,係在網上觀看PAX 遊戲大會的Live 直播。而這次發佈會的主角,便是遊戲迷望穿秋水的Borderlands 2續集,這次終於在5年之後正式公佈。雖然未有公開遊戲的詳情,但一分多鐘的短片 Trailer,至少落實遊戲的內容,主角和形式等等。至少,聽到這消息我是開心,而且收貨的。

Borderlands 2 是我在PS4上玩得最多,花最多時間,還有和網上gamers 合作最多的遊戲。基本上我買PS Plus也只是用來打Borderlands 2連線而已。BL2本身是一個FPS 遊戲,但晉級過程變化眾多,有不同的任務和路線可選擇,亦可以揀不同人物,用不同的技能進級。除了射擊之外,還有可以得到上成千上萬、臨臨種種的槍械,除了射擊殺敵,更成為一眾玩家的尋寶遊戲,可說是現代遊戲的一個經典。到現在仍可以每天可以在Twist TV 上,看到玩家日以繼夜地再回到Borderlands 之中,發掘遊戲新的樂趣。

BL2 中有不少出名的玩家,我想大約在8年前開始,每天在遊戲直播中做節目,日復日,年復年的在觀眾面前去組隊打BL2,一面打怪物,一面去尋寶,就像是今天香港的電玩達哥一樣。其中一群網上的組合,網名Admiral Bahroo,及Gothalion和他們的朋友,是打BL2 遊戲的表表者,如果在youtube尋找一下,他們不少的打機片段已有過百萬的點擊,Twitter 和 Twist TV的followers 亦有數十萬之多。我覺得當年Gothalion的言談已經比較成熟,就好像是個大哥哥,Bahroo 就比較任性和攪笑,還試過在打機之中大發脾氣,就像個小弟弟,是個有趣的組合。

成名之後,這對組合發生了意見不合,當中他們的群組似乎還有點私人恩怨,最後便分道揚鑣了。不過,他們亦各自成為了傑出的電玩youtuber,在Twitch TV上面開台,亦有成千上萬的follower 每天去看他們打機。Gothalion 變成主攻Destiny系列遊戲,而Admiral Bahroo 好像偏愛打喪屍這類的驚嚇射擊遊戲,不過亦再也未見過他們合作去玩任何的遊戲了,坊間中其實亦有不少的討論,去絻懷當年他們一起組隊打機的情況。

幾年下來,好像他們亦恢復了一點點的聯絡,不竟大家亦不是有什麼的深仇大恨。每年初, BL2 的玩家都會組織一年一度在Borderlands 2遊戲之內的尋寶大賽,近兩年這個賽事由Gothalion 帶頭去組織,亦成為一個為醫院去籌款的比賽,當中Bahroo亦肯大方地去參予比賽。雖然兩人的交流仍然不多,但似乎關係也漸漸地在修補。





當BL3 公佈之後,制作公司 Gearbox同時亦宣報會把Borderlands的第一代遊戲舊作重新發佈,更會重制達4K的美術後果。結果昨天在遊戲更新的首天,終於看到Admiral Bahroo和Gothalion冰釋前嫌,又再攜手合作進行BL 1的雙打,還在Twitch TV上直播。偶然看到這個消息,我也不禁放下手頭上的工作,在網上睇他們由開始打到Final Boss,雖然真系好鬼晒時間,但能夠再次看到這對世紀組合,作為這遊戲的Fans,始終是開心的。




Tuesday, January 22, 2019

15分鐘就放棄

出外公幹其中一個著數就系比你可以坐定定咁睇好多戲,當然有好多好的電影,亦有不少爛片。慶幸的是手中拿著remote, 仲有個Fast Forward制,可以飛住黎睇。15分鐘左右啦,通常有d熟口熟面的劇情,又有點悶的同時,就可以開始㩒個FF制...



『追捕』其實在電視睇, 不過睇睇下唔對路, 頂唔順轉左台, 結果最近又睇番個結局。呢套喺吳宇森大導的作品,故事背景在日本, 制作budget 都唔算係小, 但係個故事同人物設計都仍然留番在上世紀, 即係咁, 開場15分鐘之後你就會知道晒邊個忠, 邊個奸, 故事點樣發展下去, 英雄系幾咁不羈, 壞人又係幾咁衰格, 全. 部. 估. 到. 晒. 囉... 咁熟口熟面,兼老土到暈,  仲邊會有心機睇落去呀?

其實我想話呢, 你有福山雅治呢D 演員, 其實佢著套西裝呀, 企喺到呀, 唔駛講咁多野都已經好有型, 你要佢做埋D 好似好反傳統, 懶有型的刑警, 就真係有D 多餘... 係呀, 話你呀, 多舊魚呀 !!




『黃金兄弟』的投資又係唔少,之前又有D好似紀陶大把戲既影評講到幾好幾好咁, 又話拍出港產片味道, 真係多謝晒。這齣電影的外境就有歐洲啦, 日本啦, 中港台等, 又有偷竊啦, 又有飛車啦, 又有槍戰啦, 又有爆破啦, 又有原裝古惑仔一班黃金兄弟啦, 場面可謂昆美荷理活大片Mission Impossible。但係拍得唔好睇囉, 故事真是不敢恭維, 所謂的Twist and Turn 真係小兒科。即係咁, 人地隔離Tom Cruise 都唔後生, 但都睇出佢摶命, 拍出動作片的刺激, 果種專業咪幾好睇囉。班黃金兄弟呢, 就真大家圍埋食飯呀, 行行企企呀咁囉, 除了在販賣昔日的情懷之外, 不知道還剩下甚麼吸引人看的地方?




Peppermint 主打是一個復仇的故事, 有d 似女版John Wick 掛, Jennifer Garner 又識演戲啦, 導演亦拍Taken 之類的動作戲, 但點知都係好伏。首先除左女主角外, 其他配角唔係好特別囉, 其中一個黑人女警, 一路都好似好smart 去查案,花左好多篇幅比佢,  但最尾又無里頭比個奸角一槍打死。打死佢個奸角呢, 原來一直都係壞人的警察臥底, 結果又比另一位奸人一槍打死, 我角得都幾兒戲, 同埋對D 角色唔係好尊重囉。 即係除左女主之外, 所有的人都係dispensable, 同樣是報仇系列, 但佢唔似John Wick 咁借唔同的角色去建立一個世界觀出黎, 定位都差左幾皮。

另外反駁的情節亦多, 有幕女主角跟蹤到一位壞人集團的重心人物, 大殺四方之後, 將他迫供,知道製毒工廠的巢穴地點, 但係唔知點解唔問佢大本經營在那裏 ?? 重要放左佢走, 等佢返大本營通知老板, 將製毒工廠設置炸彈去等女主角上當。

This is really stupid.

當然啦, 佢地就算炸晒成間製毒工場都炸唔死女主, 轉頭女主角仲要反跟蹤個壞人, 返去大本營去殲滅班壞人囉... 頂, 真係睇到笑。









Sunday, January 20, 2019

菜根譚 2

涉世淺,點染亦淺;歷事深,機械亦深。故君子與其練達,不若朴魯;與其曲謹,不若疏狂。

閱世未深,受污染亦淺。
經歴深,機心亦相對地重。
若要去磨練世故的技巧,不如做一個純拓真接的人。
與其委屈地去拘謹過活,不如狂妄不羈地生活。

Bad times at the El Royale




上個月在youtube的 howtindog channel 聽佢推介過,好彩在谷呀莫未講呢套戲之前,喺飛機度睇左,唔系又會忍唔住睇左佢果D ... 5分鐘睇完XXX,咁又會miss 左出好戲。

這一類的群戲,一大棚人因緣際會,同被困在某地方之內,其實有D似一齣舞台劇。好似之前的Identity ,  記憶中好似都係一班人在一間motel 入面發生,而Tarantino 套 The hateful eight都系差唔多的劇種,有個好的劇本當然是最重要啦。El Royale 故事都幾流暢,耐唔耐故事會有D twist,一邊睇一邊覺得估你唔到,頗有驚喜。

[以下有小小劇透]

話說電影的高潮是雷神適演的大奸角出場,最後來個大清場,但可惜我覺得選角比較差,亦可能做得Marvel的英雄大多,吖。。。。佢做奸⻆唔係好convincing囉,其實佢出場應該有d d 令人畏具的感覺,但可惜無囉,這位選角應該是這齣戲的敗筆。


Sunday, January 13, 2019

Awsome game done quick 2019


有時會問靈感從那裏來?動力從那而來?

睇到一群人打機打到出神入化, 尤其是千方百計搵到遊戲的bug 來助你盡快過關, 真係嘆為觀止。

好治癒, 好有滿足感, 同埋好想apply 呢種態度去做一些有意義的事。

 BTW, you can refer to this Article as well.


Tuesday, January 08, 2019

菜根譚(1)

前集

(1)棲守道德者,寂寞一時; 依阿權勢者,淒涼萬古。故達人觀物外之物,思身後之身,寧受一時之寂寞,毋取萬古之淒涼。

我們能否成為達人,在乎行量事情從道德出發,還是貪圖個人一時的利益,去助紂為虐。

背景

《菜根譚》作者洪應明,(1572~1620)

字自誠,號還初道人。明代思想家、學者,早年熱中仕途,後學道禮佛。《菜根譚》結合儒、釋、道三家思想,取『人就咬得菜根,則百事可成』一語而得名。

『人咬得菜根,便百事可做』。宋,汪信民。


Sunday, September 16, 2018

CB Strike



HBO其實有唔少的電視劇想追,好似Barry 啦,看了一兩集,評價好像還是不錯。Game of Thrones 連上一季都未睇,只係睇左頭十分鐘呀細妹出場,變左殺手來了個大屠殺報復。Veep係近年最大的發現,之前CX航空耐唔耐會有成季一次過播晒,而家時有時間會去追幾集來睇。不竟今時今日,煲劇真系一個非常的奢侈活動。

最近想看的有Gone Girl 原著作者Gillian Flynn 親自監制的Sharp Objects,由Amy Adams做女主角。成個mini-series有8集,口碑十分之好,但聽聞故事開始十分緩慢,要捱過前面四集才會漸入佳境。

後來居上的,反而是在颱風中剛剛看完的CB Strike。這齣劇其實來頭不少,由Harry Potter 的作者J K Rowling 親自操刀。她在寫完史上最成功的舒暢銷系列之後,用一個新的筆名Robert Galbraith 來寫一個新的偵探系列,來一試她的功力。我不知道當初書本的評價如何,不過聽聞當讀者最後知道作者是JK Rowling  本人,這系列的銷量便在節節上升,電視劇集亦順理成章在HBO出現。

故事背景是現代英國,主角是退役軍人,有一腳殘廢,更有酗酒和不俢邊幅等種種的惡習,不過碰上了新女助手之後,好像又能重新上路,再去調查錯綜複雜的案件。我覺得每件案件雖未能做到好像Sherlock 一樣叫人拍案叫絕,但總算是首尾呼應,每次最後的推理去抽出真凶,有傳統的偵探劇味道。

對上一套HBO追的劇是Miss Sherlock,竹內結子演出女版福爾摩斯,開始時十分出色,但劇本卻每況越下,最後虎頭蛇尾,結局更來得predictable 和可笑,十分失望。相對來說,Striker的好處,便是沒有50分鐘便要講完結局的壓力,可以慢慢去帶出不同的人物,或多一點心理描寫。可能有人會嫌劇程進展緩慢,會比較悶,但在風雨飄搖的狂風暴雨下,應該是一個不錯的煲劇選擇。







Tuesday, September 11, 2018

炒 bitcoin


我從來唔知道,TVB嘅東張西望原來係咁有教育意義。昨晚無意瞄了一眼,當時一位哥仔在介紹自己如何從bitcoin的炒賣中,賺了近8位數字的利潤。8位數字喎,成千萬喎,同埋呢位哥仔學歷好似唔係好高咋喎。真係咁堅?

當然啦,錢,一個人係搵唔晒嘅,所以他便一盡公民的責任,任重道遠地將他的成功秘訣公開,反正有錢大家搵。當然成功的途徑是從他那裏,先投資買一些掘壙的道具,即係電腦server 啦,跟住便可以日以繼夜,夜以繼日成幫你積極採壙。投資者唯一雖要做的,便是翹起二郎腿,印印腳在等收錢。

其實這個故事都幾好,有高科技,合晒邏輯,可信性都幾高,難怪真係唔少人會信佢去 "投資"。

霸道


覇氣和覇道真系差一線, 如果Serena Williams 在美網決勝賽中 能夠沉住氣, 比少少耐性,在 第二盤反勝,憑她的經驗, 絕對有機會在第三盤反敗為勝。而家佢的表現,只能講系覇道,仲要失埋民心添。

當然講就容易,大滿貫決賽,邊個能夠Losing in Grace and Dignity?(老費?)不過你始終都係23個大滿貫得主,比翻少少風度啦。上面的圖片在US Open的APP download,老老實實,編輯特登㨂張 Serena 頭茸茸的樣,都系有心整蠱多,不過始終比較subtle。相對來說,澳洲漫畫家 depicts Serena 惡死能登的樣子,就更加亳不留情了。







LinkWithin

Related Posts with Thumbnails