Thursday, April 06, 2006

歐聯4強

幸好星期三是假期,否則睇完波番工都幾痛苦。
歐聯的足球比賽是淘汰賽,贏的進級四強,輸了便出局,尤其緊張刺激。

除了要有半夜起身的決心之外,其餘便是抉擇的問題。

兩場球賽同時播出,不知那邊比較精彩?

AC有冇機會砌低里昂呢? 定國米和維拉的攻擊力那隊較強?
睇巴賽主場贏賓菲加幾多球好呢? 還是祖記的絕地反擊較精彩?

Decison, decison... 不過這也是人生的一部份吧。
今天我選了你,看你的人品又好,職業又有前途,戲碼應該不錯,
希望這生便會幸福快樂,點知到過來如阿仙奴對祖記,悶戰一場
,互交白卷之餘,更有人發老脾被紅牌趕出場,連最後一個力挽
狂瀾的機會都沒有了,落得大家無癮收場。

還是平平凡凡,老老實實,比較妥當。生活不是每天都要
充滿刺激,大上大落。寧願見到平淡中有少少的驚喜,
也是趣味。所以不要少看維埃只是中上游球隊,其實也有
好些阿根廷國腳坐鎮,攻擊力其實不弱,跟對手互有攻守,
最後在主場出線,看得高興。

但後來睇番AC原來在最後五分鐘入兩球反敗為勝,又覺得錯失
了良機,有點後悔了。

幸好最後兩場決賽,分別在四月中兩天舉行,選擇不再需要了。
魚與熊掌兼得,完滿解決。唉,做人難,睇足球才真是好。

2 comments:

梁巔巔 said...

Keeeee, 我估 & 我想巴塞 vs 阿仙奴~

Xavier said...

望都咁望啦,如果阿仙奴出唔到線...巴塞打維埃,又系變左西班牙聯賽囉。

LinkWithin

Related Posts with Thumbnails