Friday, April 28, 2006

以和為貴


黑社會以和為貴

這類萬眾期待的電影真是要第一時間睇,否則比人講(寫)晒d結局出黎就真系無癮。
電影節用黑社會來做開幕,已經風頭好勁,接著又話古天樂殺到一個不留,又斬手
斬腳又碎屍,都系要入場自己find out一下。

看罷之後,覺得故事雖然是以黑社會來講述選舉的比喻,但亦可以當一個saga來看。
黑社會第一集雖然梁家輝,任達華是主角,但同時介紹了好些人物出場,而第二集又
一路使這些人物發揚光大。第二集的故事是落在古天樂jimmy仔之上,其實還有林家棟
的東管仔,張家輝的飛機,師爺等,反而林雪今集劇情不多。

主角Jimmy仔是一個reluctant hero,本來是沒有野心,但在為勢所迫之下,
才不擇手段去奮起奪位。其實黑社會仇殺片種己是開到荼蘼,杜琪峰這次要灌進新
的原素,除了要用黑社會選舉來比喻香港和大陸的關係之外,還加入了大量的三級
暴力來吸引觀眾,這也可能成為賣點之一。不過我睇開csi,訓練有素,片中的暴力
鏡頭還未能將我完全嚇倒。

最後想講的是黑社會2其實是決定放棄大陸市場,而選擇去講一個敏感題材的故事。
單憑杜先生這種的決心和不妥協,便已值得我買票入場欣賞。

3 comments:

jlau said...

我覺得以和為貴好睇過第一集, 故事集中D無上集大堆頭咁亂。但略嫌杜sir個比喻太明,有少少畫公仔畫出腸既感覺。

sidekick said...

我o個晚拿拿臨覆o左你e-mail, 你收唔收到?

Xavier said...

Hi J,

系呀,故事性幾強,似乎仲可以拍落去添。

Hi S,

我都拿拿臨check番你個email。仲未試,多都多謝晒先 :)

LinkWithin

Related Posts with Thumbnails