Saturday, August 26, 2006

機倉影評(with spoilers)




職業特攻隊(MI:3)

第三集主打當然仍是Tom Cruise啦,導演是電視Alias同埋Lost的金牌監製J.J.Abrams,(BTW, Lost的season 2 仲未睇,邊個有碟可以借我 ?),奸角系Capote的金像影帝Philip Hoffman, 還有歐洲和中國上海做背景,剩睇牌面已經贏晒啦。淨下的問題,只是好唔好睇而已?

一句講晒,掂。荷理活可以成功地把美國的暑假推前兩週,都是靠這套湯告努斯的mission impossible,真厲害。片中的成員,有上兩集的大隻佬黑人電腦駭客,還有港人熟悉的靚女Maggie Q,Match point 的男主角Jonathan Meyers。從槍林彈雨中救人,在羅馬捉大壞蛋,最後還跑到上海偷化學品,簡直系智智勇雙全,神通廣大,無往不利…。

其實劇情反駁的地方甚多,尤其是五分鐘便可以做好一個人皮面具更令人感到神化,而且人皮面具這條橋好像是mission impossible的註冊商標,從第一集到如今,總是樂此不疲地使用,真系想問句有冇攪錯?不過劇情流暢,動作性、娛樂性豐富,其他便不必太過深究了。


案內人(Inside Man)



條大“橋”系銀行劫案,仲要脅持人質與警方對峙個隻,本來套套戲結局都會是實死冇生,但這次竟然所有賊人可以全身而退,犯下一個完美的打劫案。點解?其實都幾複雜,不過可以話最後他們齊齊扮人質過關,而且跟本他們不是志在打劫銀行,而是知道了某些秘密而在從中取利。

雖然個故事算是說得通,但也覺得班賊太過神通廣大。如果諗到條咁掂的橋,不如就教下香港政府怎樣開徵新稅,唔駛攪到天怒人怨啦。所以他們就算沒有職業特攻隊般厲害,但跟Ocean 11肯定可一較高下。

主角由黑人名星Daniel Washington擔當,還有Sin city的主角Clive Owen,同埋Jody Foster都有份客串下幾幕。人物特出,故事節奏緊湊,兩個小時多的電影,可以一看。

No comments:

LinkWithin

Related Posts with Thumbnails