Wednesday, November 08, 2006

傻仔

前幾天食飯友人說我鼻頭有紅點,乃是破財之預兆。頂,邊會諗到真系咁準? 老實講,如果扲唔返d錢,我都唔知會唔會寫出黎,自命聰明一世,今次真系瘀到爆。

遠因系越南d銀紙成千上萬元一張,這段時間走來走去,對不同國家的匯率都有點頭昏腦脹。在酒店換左一百大洋美鈔,有成過百萬的越紙在手。拿著大疊銀紙,眼花撩亂,或許也是老眼紛花。而近因是,晨咁早起身還未吃過早點便趕回辦公室,匆匆忙忙,下車之際還有點神智不清。

總之一跳上的士,原本七萬大洋的路費,約40元港紙,我竟然數左七十萬元,系七張十萬元的銀紙給司機!!!司機當然又交足晒戲啦,在面無表情,粒聲唔出的情況之下,把錢照單全收。下車後方開始發覺不妥,回公司後再問問當地同事,已經做了傻仔。

本來人海茫茫,都不知怎樣找這司機算帳,幸好早上酒店門口的待應給我記下了計程車的車牌,寫在紙上給我收藏。通常這類的memo我都會不以為意,隨手掉進垃圾桶裏,但今次神推鬼撞給我放進了包包。想不到小小的一張字條,真的幫我追討了這差額。結果是回酒店後找禮賓部幫忙,找回這出租車公司的司機理論,幫我取回公道。

所以今日的教訓是:我以後絕對不會亂拋垃圾!

6 comments:

冬冬 said...

咁都攞得番筆錢! 勁呀~~

其實我諗如果個司機唔認有收過D錢﹐你真係冇佢符﹐不過我諗佢 1。作賊心虛 2。驚酒店以後唔比生意佢做﹐所以你真係好彩呀!

Xavier said...

我諗都系(2)多d囉... :)

zz said...

搞錯呀竟然可以拎番D錢??! 無天理呀!!!請吃飯啦!!!

梁巔巔 said...

"有成過百萬的越紙在手。拿著大疊銀紙,眼花撩亂,"

呀哈哈哈哈哈哈~~~~ 好頂癮呀!!!!

Xavier said...

zz... 最好去食sift食埋甜品,好冇?

梁兄,系呀,d鈔票成10萬銀一張。買杯可樂都要7000 ... :)

Carrie said...

我都覺得你好采到離譜! By the way any special food or place you have tried?

LinkWithin

Related Posts with Thumbnails