Wednesday, January 03, 2007

紅白大賽

以前過年冇野好睇,剩系成日睇紅白,之前仲要睇埋日本唱片大賞,一首歌唱完再唱,兩個節目連d dancer同件歌衫都系一模一樣,問你死味。不過到而家,都唔知邊個台有得播,而且就算播都只會系轉播或播精華,唔系完完本本的直播囉。

不竟日本仍是走在亞洲的潮流尖端,紅白好睇之處,是有一d最新潮最前衛的時裝和表演出現。不過除左睇明星之外,奇實紅白都幾悶架,因為日本歌又唔系首首識,歌星又唔系個個識,而且中間仲有d傳統的日本歌謠,又長又沉,如果睇直播"夜媽媽"真系可以比佢悶到訓足成年。

昨天看報,多張報紙的娛樂頭條,都是以日本的樂隊DJ Ozma,唱杜德偉首"脫掉"時,扮裸體在紅白玩出禍為題。令近年沉寂多時的紅白,又再人氣急升,成為話題。youtube又有得睇,不過其實個show都算okay,系d dancer最後脫剩的肉色內衣太像祼體了,像沒有穿一樣,所以闖禍。聽說NHK接到的投訴破了歷年的紀錄,還要在現場道歉。奇實DJ Ozma呢招都有d抄襲前幾年呀Janet Jackson在superbowl的表演中,故意露出個胸的鬧劇。不過當年表演有呀janet真系打開個心口咁戇居,哈哈,而家djo只系用d肉色衫,話開玩笑的成份居多,咁樣,又睇下有冇得上位?

No comments:

LinkWithin

Related Posts with Thumbnails