Tuesday, January 09, 2007

無膠袋日

唔系話我唔支持環保,但放左工後,回家前去順道去百佳買野,唔通仲要帶環保袋咩。

當我左手扲住一碌厠紙,右手一抽生果飲品,排左成十分鐘先去到counter面前,(頂,前面的客人還要用信用咭付款,唔系化?)。而收銀員慢條斯理地遂件生果同我計數之後,問我,

"先生今日系環保日,你有冇自備購物袋呀?"

"無喎"

"咁,你介唔介意每個膠袋收5毫子,系捐比樂施會既..."

"咁,我介意喎。"

"下", 收銀員可能以為收果5毫子系天經地義。

"系咪介意就唔比膠袋我呀,咁我唔要d厠紙囉...拿呢幾樣你都可以攞走。"

"咁又唔系,你可以唔比..." 接著面色慢慢地轉黑。

其實當時我不只介意,實在有點火。我由入門口到counter面前,仔細留意過,一張無膠袋日的告示也沒有,也沒有叫人捐錢給樂施會,那為什麼收錢時又要突然告訢我這個慈善奉獻,實在有點肉在鉆板上,被人禁住搶的感覺。而且為什麼又要捐給樂施會呢,我只記得他們有很多反世貿的宣傳,話wto剝削農民等等,現在百佳入面的賣的罐頭食品呀,米呀,牛奶呀等等呀,又不是和他們的理念背道而馳嗎? 如果話我技持環保,但又不想捐錢給樂施會的話,咁百佳又會點呢?

你話5毫子做乜小題大作? 系,利記輸波,呢排所以好燥...,而且條氣唔順丫馬。

6 comments:

zz said...

大哥,係你out唧,由07年1月1日起,所有超市逢週二都係無膠袋日啦!你唔係唔知呀??

Xavier said...

但系駛唔駛一定要我去捐錢先!

milliebreath said...

睇完班球場美少女,仲係咁燥既?

Xavier said...

Hi Millebreath,

Happy New Year 喎,祝你身體健康啦。

:)

el el said...

嗚......嗚.......嗚.........
連輸兩場,傷心欲絕,
但有無留意利迷臨尾都唱晒歌繼續支持,
覺馮奇o個句,
真係"你永遠不會一個人上路"!

Xavier said...

又有、乜、理、由、會在主場被阿仙奴勁炒兩镬先得架... 唉,唔通真系要置諸死地而後生,衰兵上陣黎打巴賽??

LinkWithin

Related Posts with Thumbnails