Thursday, February 08, 2007

愛恨情仇

深宵jetlag, 在CBS的late late show睇到Craig Fergusion,來自英國的深宵清談節目主持人,令人驚喜。

滿口英國口音,暗覺奇怪,點解美國節目會找個英國人來做host?睇左十五分鐘monologue之後,風趣幽默的風格,笑話令人捧腹大笑,才先明白點解咁多人講佢。唔怪得有人話他會遲d頂埋David Letterman。

其中他話了兩段新聞笑話。

三藩市市長與有夫之婦攪婚外情,原來情婦是他以前競選委員會會長的妻子,即系攪佢隻馬個老婆啦。
咁仲唔系勾二嫂?結果爆大鑊比老公揭發,補救方法,一來要keep住佢老公在payload,可能想用錢塞住把口。二來又向公眾認錯,話自已系alhocolic,會checkin入療養院,諸如此類。雖然不用辭職,亦好似冇乜壓力叫佢辭職(?!),但政治前途亦會從此玩完。

現役的女太空人,已婚及育兩女一子,單戀另一太空人,帶埋"架生",仲要圍住條太空人用的太空尿片,
馬不停蹄連夜開車900里找情敵講數,結果襲擊情敵時,斷正被警察捉住,現在收監候判。
報紙話系fatal attraction from outerspace.

真系Stranger than fiction.

4 comments:

Anonymous said...

致版主:
初頭睇呢單新聞聽唔清楚重以為話個太空人上完太空之後得到啥後遺症要用成人止尿片呢
原來唔係,真係好癲! (原來o的成人止尿片係拎o黎咁用 ... ...)

另一樣想提o既就係癲o左六期,失蹤o左年幾o既《異能者》日前終於出o左第七期喇
但今期一o的驚喜都冇,反而o黎個反高潮,O晒嘴!
唔知今次要唔要再等多一年先有第八期?!
PS: 想知山本英夫有沒有個人網站或異能者有沒有官方網頁!
寡人

Xavier said...

致寡人:

多謝你講比我知,我1-6期都系書屋睇,今期都唔會買。

我都系之前睇milk的介紹先知道有異能者本書,所以唔系好清楚有冇網站。不過佢之前果本"殺手呀一"都算埋到尾,希望今次唔會失拖。

Anonymous said...

from寡人:
版主咁講,那麼大日都係睇定o的先好o的
橫掂如果有命都怕且可能要等十年八年個故仔先埋到尾 (如果埋到尾)
係呢,借問聲版主做姓行的?!成日都要飛來飛去的?
寡人就係做補習的 (唔係開補習社)所以都要「飛」來「飛」去.
但尋時未能衝出香港
如果到個病好番(都唔知幾時先好番)就可以搵番份長工了 ` 但到時就唔知有冇人請了
(中六開始同一補習,轉眼七年 ~ 零四年畢業後做過下「長工」,o個時已做完手術,以為病好;但之後醫生話未好番晒,就辭職;到過多一排醫生話睇定o的先,又出o黎搵工 ... ...
轉眼到了上年年中,醫生話都係唔對路,又冇得做工
至今一至經常進出醫院,到最近數月,精神漸見起色,才又出來搵工,但因為還以是進出醫院,當然搵唔到長工
又要靠「老本行」吊住鹽水了
講o左咁耐 ~ 估到是甚麼病嗎? 其實醫生都唔清楚呢,他們只知道係咩病同應該點樣去醫,但點解會有呢種病同會唔會醫得好都係唔知
所以真係唔知幾時會病好,會唔會病好!
現時o既娛樂就係誤人子弟,「飛來飛去」同睇書、睇戲、睇電視了
ps: 閣下日前之《金田一》篇章中也有留言 ... ...
另外山本英夫個網頁仲係得第六期o既封面,第七期故事好唔同,陰謀論係文化傳信自己作o既
其實個作者都唔知係想個故仔快o的完定係想拖長佢 ... ...
或者到您番香港睇完再講下感想吧 .. .. ..
(太長了 ~ 個留言)
係咁!

Xavier said...

致寡人:

而家最唔滿意果兩本書咪, Hunter X Hunter, 同埋浦沢直樹本21世紀少年囉。大佬,hunter出一本要睇番前面果兩本先記番個故仔。而21世紀就系咁拖,死唔斷氣果隻。所以我而家咪罷睇新果本小飛俠囉。

我份工同科技有關,hehe,飛來飛去其實都系幫手sale野同見客囉。office在中環,不過在香港反而唔駛點見客。

呢兩年香港經濟都算好番d,我諗你休息好個身體,慢慢先搵份工都唔遲,有時d野系時來運到,唔駛太過心急。

我諗異能者個故仔應該會有得發揮既,但睇下作者有冇心機去畫啦。

或者你都開番個blog玩下,如果有時間就多d交流下啦,我都鐘意睇電睇同電影架。take care 啦:)

LinkWithin

Related Posts with Thumbnails