Tuesday, February 13, 2007

機倉影評: Open Season

森林反恐隊



由Martin Lawerence同埋Demi Moore個boy friend Ashton Kutcher配音,係yet another森林動物為主的卡通片。比起最近看過的美國卡通片,如Flushed Away, Monster House, 4 條腿拯救隊 (呢套睇唔晒...),Open season 應該是最不吸引和最predictable的卡通。當然,如果比較移動城堡,更差了一大截呢。

大熊本樂於被人收養及過其表演的生活,但一天無意救了一隻被獵殺的moose,結果連累大熊在小城中闖禍,後來還要被放遂回森林。於是大熊一方面要適應大自然的生活,另一方面又要面對獵人的追殺,故事由此展開。

主角有自少被人收養的巨型大熊人啦,還有佢的sidekick好鬼多口水,又有d神經質的moose(北美麋)啦,咦,聽落系咪有d似Shrek 的組合呢? 不過佢地唔系太可愛囉,又唔好笑,真系得個煩字。而且d情節又predictable啦,好似有d兇惡的獵人呀,麻麻煩煩的小動物呀之類,最離譜仲系話隻熊人對大自然的生活不習慣,上廁所都要找個座廁先肯去"大",我就真系完全relate唔到囉。

唔知點解,覺得這套卡通特別長,仲要無無聊聊過左成個鐘先入正題,通常一般的卡通有個半鐘左右,但不知是否劇情特別悶和節奏特別慢,覺得好似做左成兩個幾鐘咁,我有點奇怪怎會捱晒成套都冇訓着。我不知小朋友會否看得高興,但對大人肯定是一種折磨。

評分: 一個bear bear熊

3 comments:

zz said...

新年快樂, 萬事如意。

梁巔巔 said...

喂~~~~ Xavier 兄, 豬年快到, 祝您步步高升, 心想事成, 恭喜發財!!!!!

冬冬 said...

X,

豬年快樂呀!! :)

LinkWithin

Related Posts with Thumbnails