Friday, June 29, 2007

史力加3:咁就百二



我始終覺得史力加好笑的地方,便是一大班配角,反而史力加和Fiona公主的戲通常會好鬼悶。

今集史力加最大的煩惱便是Fiona要生仔,他覺得和小孩子一起的生活會很討厭。但當然最後他回心轉意啦,不過故事舖排不夠,都唔知點解臨尾史力加會有這change of heart,呢個...系一個”謎”。

配角方面,好鐘意見到安東尼班達的貓仔,木偶仔,豬仔,仲有薑餅人,今集的角色繼續生動,表現出色。尤其是Eddie Murphy扮個隻好鬼口臭的驢仔,對話令人捧腹,但驢仔今集戲份不多,十分可惜。

其實個別的場境,d對白和笑位都算okay,但系有d東拉西拼湊埋一碟上檯的感覺。

新角色亞瑟王子,加埋巫師Murphy的出場都沒有什麼特別,對比上兩集的配角,實在遜色一籌。另外一大班白雪公主,灰姑娘,加埋睡公主等等只系覺得佢地好煩。

故事主線是史力加要到城外找王室繼承人亞瑟,而prince charming便乘機奪位。但史力加這一段實在和第一集尋找公主的故事太相似了,真系睇到好悶。

期待片末的正邪大戰也好似少了些action,所有主角就位,期待的大戰一觸即發,最後但卻由亞瑟王子三言兩語就平定一場騷亂,實在有d意猶未盡。至少第二集結尾都有Eddie Murhy大唱Livin La Vida Loca,散場都有d嘉年華感覺,今集ending就真系平平無奇。

環顧觀眾的反應,小孩子們看得相當開心,當晒史加加系老友,似乎真系可以長拍長有。而我都系揀翻Burce Willis做朋友好了,我想我這個weekend還是雖要多點火爆和暴力來調劑一下。

8 comments:

zz said...

果然係百份百卡通片迷呀!!一上畫即去睇,咁神心既事情......火爆加暴力齋左少少,最好係暴力+色情,咁先夠火爆丫嘛~~~(爆火都得)

said...

哩套我回歸日睇, 到時睇完再睇你哩篇

另我連結左你呀,希望你唔會介意囉!

Xavier said...

No worry. Have fun during the holiday :)

冬冬 said...

我唔會睇﹐你明架喇。嘻~

Xavier said...

片頭有介紹一套五星級老鼠...something like that la.唔知你會唔會去睇呢,但片頭就麻麻地囉...

Xavier said...

zz: 你呢排咁燥,不如去睇果‧喪屍‧索女乜東東啦,包你話夠晒血腥同暴力.不過美國做3粒多鐘,香港version,cut到得翻兩粒...我諗...

冬冬 said...

老鼠戲係我哋出架﹐一早睇左。好好笑架~~~~~

Anonymous said...

音響方面做得非常好,非常震撼,配音員也很有水準

LinkWithin

Related Posts with Thumbnails