Wednesday, July 04, 2007

十年回歸看煙花





我有個朋友話過,做愛唔可以做太耐,佢會忍受唔到... 我覺得幾經典下。其實有冇too much of a good thing呢樣野呢?

正如細個果陣,好望食雪糕梳打,在大熱天時,汗流浹背跑回家喝一杯雪糕加七喜,果種喜悅真系非筆墨所能形容,但再食落去的話...就再冇咁過癮了。

看煙花也是一樣,六點去到尖東,已經封晒所有道路,人山人海,想搵個好位已經系奢望。

等左兩個鐘後,頭菜系什麼耀香江的laser show,大廈的屋頂再加插煙火效果,我覺得真系比較無聊,無疑是加長了整個firework show,但沒有什麼睇頭。

真正主角出場,前面個阿叔開始拎出部nokia手機,全程舉高在頭頂拍攝。大佬,你個頭都已經夠高,仲要舉起雙手,我地企你後面點睇煙花呀? 當時真系xyz%^&!!@#

頭十分鐘,身邊的觀眾,尤其事是小朋友,不斷在發出,哇,哇,哇..的聲音。大家在交頭接耳,努力地解釋怎樣看出煙火中的"中國人"三個字。不過好像哇哇的堅持並不太久。

在悶熱的人群中,企了二十多分鐘還未完畢,我已忍不住頻頻看手錶。唉,若不是怕身旁的人腳臭,我真是想蹲下來休息一會。

煙火的最後一招,是把數十.百.千個煙炮一齊發放,除了聲音令人震耳欲聾外,亦有地震的效果,有人話心口好似被鎚仔敲左一野咁,我有d覺得似電影話的fire sales一樣,季尾大清貨。

人群散去,地上遺下大量報紙,但好似多數系內地d報紙黎喎... 在"中國人"之後,下年的煙花會否有"離去前請收拾垃圾"等字句呢?

3 comments:

zz said...

大哥你竟然人迫人咁去睇煙花而唔選擇在家打機?!??滿清十大奇事之一喎!

又,做愛係唔可以做太耐既,否則會死.(句野係出自你邊位朋友把口呢?唔係我呀?!)

Xavier said...

喂.下星期你游完水去食中菜好冇?我帶左支紅酒翻黎...

zz said...

游完水去吃中菜仲有紅酒飲!!? 哦,好呀.(好似大纜扯唔埋)

LinkWithin

Related Posts with Thumbnails