Saturday, July 14, 2007

西苑飯局

其實每次飯局都是差不多的型式,講完一大輪,又話邊個邊個黎。

跟住問去邊到食又話冇意見,我星期一中午在利苑2期間西苑飲茶,覺得幾靜局唔錯,便提議此地。

結果訂了張8人枱後,最後得翻5個人show up,唔知一個二個去晒邊...

跟住又有人話點解唔去對面間”農圃”...唉.頂丫。

不過我話你知點解我唔鐘意去農圃,我覺得作為一間中餐廳,農圃太過扮野,例如佢地有個菜叫”事旦”or唔知英文名系咪叫 whatever呢,話比d諗唔到食乜野菜的食客去叫喎,唉,好似好cute咁,本人就頂唔順。你唔知點叫餸咪搵位waiter去recommend囉,你咁事旦求其不如唔好食啦,系咪?

我已忘記午餐吃過什麼了,只知道在下班時間己腹如雷嗚,再看手錶,現在才七點多,距離預約時間還差一個半鐘,當時暗叫上當。

不過肚餓和孤單、失戀、受傷...等等,可歸納為同一樣的category,受苦的不單止是我一個。

一心以為,六點正放工,可一直逛街到8點半的ca小姐,同樣受不了要苦等兩小時半的飢餓襲擊。結果相約在銅鑼灣一間合法的餐廳相會,誓要先隊一份茶餐才向西苑出發。

"合發"的燈光和環境和翠華差不多,完來和翠翠相連的大發是同一集團經營,我當時才恍然大悟。

不過身旁的ca小姐已急不及待地order奶油豬和淨雲吞,再加上大檬樂兩杯,我想話亞姐你唔系話你食完之後仲可以再直落西苑晚膳?!

當時,ca小姐以她一貫的反應,好cool咁話:”你咪鬼理我啦。”

但事實上,佢真系好勁囉...

晚飯時份,唔知系西苑比較靜定我地果枱真系好嘈,有人d”嘩...”聲真系叫得好大聲。當時我瞄到部長慌忙拿起電話,看看有否叫白車的需要。

因為有傳張小姐早上起床會在窗前,引吭高歌,甚至吸引小鳥飛來停留在她的膞頭之上。在場便有人仕即席示範。

當然...更加有人扮雀!!

我想拍成片段放上youtube會是大熱。

我們叫的是四人套餐加了個啫啫生菜煲,其實餸不算多,但在”有備而來”之下,到最後我真的很飽。

在埋單時,竟然有名人bobby出現,不過他好像進入洗手間之後,便一直沒有出過來,真系擔心佢唔知有冇事呢?

我比較關心是,一心想攞簽名的yoko在最後是否敗興而回呢?

2 comments:

Anonymous said...

喂, 其實我果日都有被邀請架,不過時間唔啱黎唔到咋.如果我有黎,你應該冇咁飽,因為我都好擦得架 ~菲比

Xavier said...

OH. 咁下次啦 :)

LinkWithin

Related Posts with Thumbnails