Tuesday, July 17, 2007

女人本色



女人本色

以我粗略的估計,入場看電影女人本色的有三種人:

1, 一心抗衡美國荷理活的文化,決意抵擋哈理波特排山倒海般的廣告攻勢,一於硬撐本地創作。
2, 為紀念回歸十年,支持梁鳳儀呀,黃而暈呀,黃佰鳴等等,Political correct到暈的忠黨愛國message。
3, 睇錯張海報,以為又係聊齋玉女之類的續集,而仆倒入場。

我可以話你知,我入場的原因不是1 和 2 囉。

如果你看多兩本梁鳳儀小姐的小說,你應會知道她的勵志故事真的是萬變不離其中,但不能不佩服的,梁小姐的書應該出左百零二百本喎,真系長寫長有…

女人本色的故事當然也不例外,這次是由梁詠琪來飾演一位對朋友念舊、對愛人忠心、對同事關懷,而且不貪心,疏財仗義,守信用,還在背後地默默地支持丈夫,總之被人騙也不會找人尋仇,而且還在某大機構擔中任的CFO的一位偉大女人。(我都想知現實中邊度去搵…)

而在香港回歸十年間,Gigi受盡了命運的折磨,d人燒碳呀,負資產呀又關佢事,SARS死人又關佢事,裁員又系佢,老公兒子、甚至連以前位鄰居都被佢克鬼死埋… 總之就系二十一世紀的白燕啦!!

又或者,她其實應該去找麥玲玲睇下風水。

老實說,梁詠琪演得不錯,但故事實在太過single track,看不到故事中有任何的伏線,講完A,再講B,之後就係C,說故事的技巧不是太吸引。由始至終,導演都努力地在preach做人要點樣腳踏實地,最終會有好報啦。

反而,薜凱琪和小儀的comic relief比較討好,不過Fiona的演技始終幼嫩,搶鏡的是阮小儀。

男角方面,好像林子祥也拍過不少梁鳳儀小說改篇的電影。我想林子祥做Gigi老豆可能比較合適,但電影中夥拍梁詠琪做夫婦,感到兩人格格不入。

有一場戲講林子祥生意失敗,沮喪回家,看到Gigi已經睡著,於是,來了一場”呀Lam和衣硬上Gigi”…唉,我諗我知導演想講乜,但真系睇到火都黎埋…我想講句,唔該放過我啦,令演員和觀眾受苦,何必呢?

此外電影的說教意味甚重,其中講香港股市受追擊,有人”大大聲”話香港政府會入市救港,應該要相信香港政府,但呀Lam卻偏偏要將手上股票sell short,最後咪輸死佢囉 (真系撞車死鬼左),呢個教訓都算大咯….

(但當時大特寫梁詠琪拿著手中的電話,傳來林子祥的死訊… 肅靜的電影院,竟然傳出不少笑聲…. 唉… 我都好似有份笑… 唉… )

咁到而家,你又明唔明呀?

突然記起梁小姐的書在國內也賣得不錯,這時才恍然大悟,這電影的target audience,對唔住,唔系香港人囉。

理據一: 戲內呀詠琪,Fiona晨咁早便比大陸人溝晒,而鄭嘉穎咁靚仔竟然成齣戲在行行企企,而且最後,竟落得個 ”無端端”,染上SARS‧病‧死‧的‧下‧場!!!! 我真的‧完‧全‧不‧可‧以‧接‧受。

我想,幾時可以再由王晶再次翻拍,香港回歸十年,以炒樓炒股投機致富,馬照跑舞照跳,可能不需要什麼原則,鞋要擦,錢要搵,生活一樣可以精彩。

這才是香港”至勝的王道”,這樣的電影才會令人有想飛的感覺呢。

4 comments:

zz said...

.................

素顏天使™ said...

入場原因仲有一個, 就係 Fiona fans 囉~ 我刮唔到 free 飛, 唔係都有o的興趣睇. 但睇你咁寫套戲都有o的爛 feel 喎......

Xavier said...

你咪當喜劇黎睇囉,個feel即刻唔同晒呀!!

Yun said...

最怕hard sell既戲。當觀眾係傻架。鄭嘉穎真係好靚仔﹐一直都覺得。

LinkWithin

Related Posts with Thumbnails