Thursday, July 26, 2007

當哈利波特遇上黃毓民



如果你還未清楚香港究竟有多少人,可以不時到煙花表演,或書展這類的大型節目去觀摩一下。你便親身感受到,香港真的有很多很多的人。

當我到達會展,一望無際都是人,人山人海,人龍,人潮,人流管制,有點想立刻打的回家的衝動。

好啦,一場唻到,排隊啦。買飛要等,入場要等,睇書要等,比錢也要等。有好幾年沒來過書展,真是要問句,"點解會咁多人架?"

記得數年前,仍會見到蔡瀾先生很悠然的坐在天地的書展攤位之中,一面和讀者簽名,一面慢條斯理地和人聊天,還會寫下大字。我買了一本不知是蔡-san的風花雪月或是食經之類的書藉,請他簽名給我一位遠在美國聖地牙歌的書友。之後,朋友收到了書,十分高興。

但今年每個檔攤都像打晒蛇餅。一句講晒,插針都插唔落。咁好生意,咁多人捧場,真系開足成個月都得啦。看到這個擠湧的情況,優悠如蔡-san,不知能否像昔日的談笑風生呢?

老實說,入場前我也沒有什麼心水書本要買。據報很多入場的書迷,都以購買金融股票投資的書籍為首。但我告訴你,若認識了新股神...是跟本不用苦心研究世間任何的投資攻略的。

但全場最為矚目的新書,一定是哈利波持無異。

全場擺滿了大hit的哈利第七集的結局篇,而且每檔都有大減價,我想就連彿教書籍區都要考慮放番兩本哈利波特來看門口。

對於只看電影Harry Porter的我,看到整環繞個哈利波特的書展嘉年華,也有衝動skip晒一二三四五六集,單買第七集返家煲個痛快。

一邊在走馬看花,也可說是隨波遂流,一路跟隨著人群飄呀飄,不期然又走到了三樓的二號館。

走到了黃毓民和彭志銘著場的次文化堂。

離遠,便聽到毓民在發牢騷。

"呢,果幾個走出黎唱歌呀,五音不全又話黎出書,仲要大賣。拿,我老友彭志銘攪文化攪左二十幾年,都冇人識佢d書呀。"

"系今年佢出左本小狗懶擦鞋,有d gimmick,比傳媒宣傳下,先至賣左幾千本,而家賣晒啦。"
"果陣佢同我寫顛狗日報的文章,而家仲有系到,真系你睇下,佢攪文化,攪到頭髮都白晒。真系好陰功架。"

"拿,我而家呢本書,又系次文化堂幫我出概,有晒簽名,60蚊現在都只系賣42蚊。你地都應該支持下啦。...."

當然,毓民全程都沒有用microphone之類的輔助,但以他的中氣,我想應可傳到四五十呎的範圍。不知是否我錯覺,毓民在勞氣地賣書之餘,還忍忍有些聲淚俱下的感覺。

於是,我請毓民在書上簽了個大名,還寫上遠方朋友的名字。(不過為了保險,再加了一本蔡瀾的七樂也,希望他不會咀咒我啦。)

3 comments:

said...

書展真係多人多到行了幾個鐘已不想行落去...最多人買既金融書同哈7我都沒買 (同樣無追開哈利小說), 但收獲也不少, 總算無白逼一餐.

黎緊動漫節我亦會無懼人潮地參與, 沒法子太多東西想買, 也想搵個 cosplay NANA (如果有) 影返張合照, 你也會去嗎? 這個夏天真是又熱又忙碌啊~

Xavier said...

唉,老實講真系太熱,除非有friend叫我一齊去啦,今年唔諗住再迫多次。如果同舊年差不多,真系行一圈就行晒,我又無乜心頭好,d手辦模型貴到飛起...。(前幾年買埋d無無胃胃的刀刀劍劍,而家諗番都唔知系咪果時顛左)

書展都可以行(迫)埋去睇下書,漫畫展就週圍都要排隊... 雖然我都是一名漫畫迷,但d新書好快便在街上可買到,我諗都系等下算了,enjoy your time over there.

Anonymous said...

如果"新股神"好似渣沽咁出書, 小弟一定支持.

LinkWithin

Related Posts with Thumbnails