Tuesday, January 15, 2008

多此一舉

California 的單車熱線最近不單止能為你做reservation,登記參加schwinn cycling的課堂。

而且,更加讓學員有”訂位”服務,講的是你可以揀埋單車的號碼,坐著你最深愛的健身單車去上這一堂。(唔知點解,有d毛管楝.)

其實先到先得都可以啦,駛唔駛要訂座呢?

上次打去電話熱線,諗住跟我和同事一起book 六點四十分的一堂cycling班。

"喂.唔該幫我book 6:40pm, 施維亞,編號 xyzabcd123"

"好."

"呀,先生你駛唔駛揀埋單車號碼呀?”

”下.哦.11啦. 唔該...幫我book埋呀同事F, 同一班, 編號 ...... "

"唔得喎先生。 你要再打一次電話黎。"

"下...點解呢?"

"唔得喎,公司規定...blah blah blah ..."

"下... 咁你呢班好full 呀"

"唔系.不過你要打多次電話唻... blah blah blah"

+++

唉...來來回回講了好幾次,仍無進展,此情此境之下,你會點呢? 大家不妨做個心理測驗,以選擇題去分析你的個人性格:

a, (據理力爭型) 講道理,企圖去點化這條茂利。

b, (大你型)叫佢transfer 比 management, 問佢點樣教d靚仔?

c, (小你型)D你老味,大講粗口。

d, (火爆型)冥頑不靈,講都無謂,憤而把聽筒投擲地,震聾你算吧啦。

e, (妥協型)收線,再打一次。

+++

結果,我和同事在 half full 的課堂下上了這班schwinn cycling class。也沒有找到特別assign給我們的單車,其實都系先到先得,因為個教練唔系好care.

sign-up sheet 上只有兩三個名字,很多學員都是walk-in 而已。

攪咁多野,為乜?

4 comments:

Yun said...

不久前才遇到類似事件。我以前會係火爆型﹐然後據理力爭型﹐然後大你型…… 但而家我諗通左﹐呢個世界就係有好多中意多此一舉的人﹐同埋呢D人係冥頑不靈既﹐所以﹐我會慳返啖氣﹐做妥協型。

dick said...

California都痴孖筋,係我就X+Y Z,然後收線,之後同朋友數臭佢。話時話你最後有冇再打電話去呢吓?

mad dog said...

咁Q煩?
我會叫個同事自己打, 因為我會鬧人...
心情好就妥協囉...

Xavier said...

哇.做乜個個都咁燥 ?! 有時有d人真系點極都唔明架...

LinkWithin

Related Posts with Thumbnails