Wednesday, March 12, 2008

歐聯八強



上月尾足總杯決賽,利記在主場最後一分鐘才被班士利淘汰,真系睇到心都實。

似乎賓尼迪斯在賽後才明白,你有個。神射手。加埋。王子。集於一身的。金童。唔去用,輸波簡直是疚由自取,無人會可憐你,還有炒魷的聲音日壯。

痛定思痛,及後的歐聯、英超聯賽,每場起用費蘭度托利斯搭謝拉特,終於場場有波入、又有帽子戲法。雖然不排除接二連三都是主場,而且對疊不少英超魚腩。不過話晒都系四連勝,先坐正老四的位置,再進軍歐聯。

昨晚八強最後一席位之戰,大部份時間紅軍是處於被動,抵擋著國米排山倒海攻勢。其實上半場三十分鐘辛尼迪接韋拉轉中在禁區起腳是大好機會,但竟然射斜,我已心知利記有運,最少也能守和。幾次國米有好的機會,但屢次被龍門救出,以及數次射罰球連門框也觸不到,再加上在下半場中場有雙黃一紅離場,實在大勢己去。

其實半場時份在想要否熄機入睡,不過當下半場開波,奧尼里奧傳球,托里斯接球,轉身,射波,得分,一氣呵成,覺得已經值回票價,全晚在捱眼訓在等開波也是情願。

下回合再見。

2 comments:

程音語 said...

我聽英文旁述,開頭廿幾三十分鐘 Inter 球迷聲浪之大,真係有d驚,但打下打下我地站穩陣腳之後,就真係知道無乜問題。

有無興趣入紙認球決賽波飛?莫斯科呀, very tempting....

Xavier said...

上半場米蘭射極都唔入就真系夠驚險,不過真系睇左半粒鐘左右,就覺得利記呢場唔會輸。:)

LinkWithin

Related Posts with Thumbnails