Monday, June 30, 2008

費托









下飛機第一件事,便是要謝絕一切媒體的接觸,趕回家看歐洲杯決賽的重播。之前有人問我捧邊隊,其實一直沒有什麼心水,反正我也不會到馬會投注。不過西班牙前鋒有費托,中場有沙比,後衛又有艾比露亞,同樣是利記的隊友,當英格蘭連入圍也不成的時候,捧西班牙的親切感會大一點。

不過直至決賽,西班牙球員的焦點仍是落在一班西甲的球員身上,費托五場只入一球,沒有韋拿搶鏡,確實有點失望,沙比通常是後備入替,(雖然對希臘那場得了最佳球員,但系冇睇。)而艾比露亞好像連一場後備也沒有份踢。

不過西班牙的打法進取,腳法秀麗,入球更是停不了,一直都是捧杯的大熱。決賽前覺得德國夠機動,有大賽經驗,應該兩隊在決賽會是半斤八兩。(老實講,如果最後真系比其他兩隊爆冷,決賽由.土耳其.對.俄羅斯.,真係搵你去睇啦...唔該晒。)

決賽上半場德國的表現真是乏善足陣,記不起有任何威脅的埋門,反而後防的漏動頗大,費托有兩三次入侵機會,二十分鐘頂頭鎚中柱,應該發出了警號。覺得如果韋拿在陣,德國可能會更快輸波。

三十二分鐘費托接應沙維傳球,突破後衛拿姆,把皮球挑過列文射入,為西班牙殿定勝局。個人覺得德國在波力克眼角流血場出場外治理之後,波力克仍然以血流滿入場,大叫隊友醒定d時,一班德國球員才如夢初醒。

不過經過下半場換人及一輪戰術上的改動之後,德國隊開始見些起色。以贊臣換拿姆,再以兩大後備換走高路斯之後,在最後三十分鐘德國似乎多了點攻勢,而大戰的氣氛亦更加濃郁,犯規明顯增加,兩隊的衝突更為白熱化。不過西班牙始終技勝一籌,防守做得不錯,而德國多次進攻被破解後,最後的十分鐘似乎也是筋疲力盡,無法再次力挽狂瀾。

終於西班牙最後以一比零贏波,更捧走歐洲杯。其實睇開英超,也會知道費托的個人突破能力甚大,很多時候都要在前場單打獨鬥為自己制造機會,為球隊入球。這次費托在歐洲最大的舞台再顯身價,總算沒有令捧場的球迷失望。(尤其是我一路頂眼訓...一路睇)

今年雖然利記冇得捧杯,但西班牙靠費托赢了失落四十四年的歐洲杯,算是沾了點光彩。

3 comments:

程音語 said...

仲有龍門Reina呢. 俾心機今年赢Euro出年赢聯賽冠軍呀!

Viva Espana!

Xavier said...

係喎...捧杯時見到佢 ;)

el el said...

仲有賓佬睇中左下季可能會加盟o既大衛斯華!

LinkWithin

Related Posts with Thumbnails