Wednesday, July 23, 2008

做善事.行好運

香港真係好多慈善活動架,無啦啦星期三又有賣旗,我突然諗起林海峰首「我地大家」:"大家大家嚟啦嚟啦..." 一齊做善事啦喂。

當然我唔系話做善事唔好啦,但有時晨早都未訓醒,就撞口撞面埋到嚟,"先生買枝旗啦...",佢句說話都未講完,就己經自動獻身。唉,有時真系唔知捐左比邊個去做善事架。

晨早買完枝旗返公司後,當堂得到幸運之神(又稱blog界女神)的綣顧,唔知呢d系咪叫做「種善因、得善果」?

話說打開mail box,竟然發現自己成為「八月有禮」的幸運兒囉 !! ...你知啦,抽獎既野,真系仲難中過六合彩。正所謂,香港政府又話退稅,又話分100億出嚟,分分鐘都唔知幾時先可以到你手。但黎華送禮呢,非同小可,八月送的禮,七月就收到。如果立法局有OL界一席,我第一個nominate佢出黎選囉,咩事?

哇...今次抽中的,真系好爆。咪就係有線電視每個月都會重播兩次個套scary movie的第三集囉。(頂!)

哇,zz點知我上個禮拜日系屋企無出街,無厘頭咁打開有線,又係播scary moive 3. 在行出行入打機食野上網之間,都唔記得第三次定第四次睇呢套戲。電影中有唔少的厠所位miss左,今次真係可以完汁完味再撈一次。

蒙zz的照顧,好啦今個weekend的節目應該攪晒,真係邊度都唔駛去,左一套scary movie 3,右一套saw 4,加埋兩本(6月號!)的明周book b,整多個古惑仔online game,宅男閉關練功時間即將開始。

4 comments:

el el said...

出下街活動下啦!
古惑仔你升得咁鬼死快...
我來來去去都衝唔破11級呀
廿版裡頭個個都重傷,
一係就有一百幾十個同伴,
點開戰o者...

Xavier said...

唉,我想上位,就要預左拋個身出去,系咁去濫交囉。 我諗住遲d換埋幅索女的相去做profile囉,仲唔有一千幾百人黎add我? 咪,玩完先至delete番d人囉...hehe:)

el el said...

為了上位,你可真不擇手段啊你!!!
話時話,你上去英雄榜睇睇,
o的相呢...真係...
唔怪之得有一千幾百個同伴o架!

admun said...

same here.... I've been high (6.8) 2 years ago, this year result @ 7.2..... now I am really concerned and switch to oatmeal for breakfast.... hope that will help.

LinkWithin

Related Posts with Thumbnails