Friday, October 31, 2008

手。牽。手。食。火。鍋



頂丫。

我起左個題都打左五分鐘冷震,邊個好心幫我篤返d雞皮,唔系點樣可以打埋落去?

唔打又打、又唔打又打、又打又唔打、加埋d人腳又黎唔黎、唔黎又黎,又黎又唔黎之後...真系比起估股票的上落的或然率還要複雜。

Anyway,昨晚終於成局,再次到cwb的火鍋本色餐聚,除了超級女強人分分鐘幾千萬上落的ca小姐不能到席之外,v,西,x,y,z 等均有出席。

老實講,由自稱火車頭Thomas西先生,率提出提出在經濟低迷之下,要節衣縮食的理論當然是有一大條道理。

但我們一眾團友之中,祗有西先生是一位高級公務員,若擔心飯碗不保,斷也會由我等打工仔先受影響。就算打多幾個浪(大吉利事!),有排都未輪到公務人員啦。

所以他言論一起,旋即招來"喊打喊殺"的聲音,同時亦理應了解。

上次到"火鍋本色"打鞭爐,已是數月前的事了,我們被安排到閣樓上坐,雖然樓底不高,但尚算坐得寬敞。

但這次...試想像一個五百多呎左右的空間,放了差不多大小不同十多張火鍋檯,我們跟旁邊的人客簡直是背貼背地坐著。

哇.又話經濟低迷??,系咪生意咁好呀,仲要加檯... !!

唉,我想話呢個真系...促進陌生人之間友誼的好方法

有人特登用sms話我知要提早15分鐘到席,但此人卻在15分鐘之後才施施然出現,當時我仍不能理解。

(妖,原來佢打埋個blog先走,頂丫。)

...

雖然環境侷促,但總括來說食物的水準不錯。才剛剛坐下,便聽見隔離檯一位衣著穿得不錯的戶客,大大聲對waiter講,

"你都未上火鍋,點解咁快扲d肉上黎呀,你知唔知d肉擺得耐會變黑架 !!"

我八掛望下隔離果碟系乜野,咦,咁我又真系唔知...乜碟豬肉擺多五分鐘就會變黑架??。 ??

哇!唔知系咪食。神。出。巡。呢?

...

留意社會經濟低迷現像的自稱火車頭Thomas西先生一到步,便發覺他心情久佳,除了頭髮蓬鬆之外更是滿面鬚根。滿懷牢騷的西先生認為有人因為不方面出席便能延期,但他提出改動便受群攻,是十分不公平對待云云。

不過一頓飯下來,在不斷有人讚美西先生有「可愛的眼睛」、 有愛情的滋潤呀、 榮升老板呀、及生活品味大大提升之後,自稱火車頭Thomas西先生心情也似乎回復不少光彩。

繼而帶出突破「性」的話題及擺了不少cute-ty的Post給人用iphone 拍照等等 .....(救命!)

...

其實我覺得餐廳的安排不錯,每位人客有兩份筷子,一對綠色、一對黑色。以一雙筷子挾食物到火鍋中,另一雙筷子用以個人進食。

本來我是一路循規蹈矩,怎知十五分鐘之後,聽見zz話:”我真系好高興囉...,同熟人打鞭爐可以唔駛換筷子,系呀我夾完d雞放入口,舐完又放返入個湯到,唔知幾爽...”

她還說不久前,嘗了一口未熟的雞肉,又再放回火鍋的湯中,混亂中好似我食左佢舊雞肉喎...頂。

...

最後有無聊人仕當場送我一份,用大大個橙黃色公文紙袋,入住"一大舊野"的禮物。據說是自稱火車頭thomas西先生在泰國買回來的手信,系求神拜彿買返黎,對愛情運大吉的...「愛。情。手。牽。手。卷。架

這個手卷架,應可焜美當年zz在女人街用20蚊買了條朱二繩手鍊,話系泰國開光的水晶彿鍊一樣。

我想我是無福消受了,希望留給下一位有緣人啦施主。

3 comments:

Yun said...

見到大家都咁無聊﹐我就好開心囉。

o個個「愛。情。手。牽。手。卷。架」﹐無敵無聊﹐搞到我笑左好耐。我只可以鄧你慘囉。

Anonymous said...

你竟然有睇阿仙奴對熱刺,
真係唔明,
呢個打吡賽,成日都好精彩!
熱刺真係反底喇,
下場對利記,
有o的驚保唔住不敗之身添!

el

聶秀康 said...

哈!我們今晚了mk食寧記麻棘放題@150好底呀!你那雞皮紙袋禮物!你沒看zz的blog嗎? Thomas west是公務員不是鐵飯碗嗎?係居安思危吧!

LinkWithin

Related Posts with Thumbnails