Tuesday, December 02, 2008

13 beloved



上星期在衛視電影台看了小半齣戲,已經覺得好正,但要趕出街,下半場唯有系DVD睇埋。其實除左睇波之外,我也喜歡睇NOW個電影台,起碼播電影一氣呵成,唔會好似有線咁,電影中間不斷地加插大量廣告。而且近年有線d錢比晒呀除小明去拍埋d80年代的懷舊戲,好似奪標呀之類,已經冇乜錢再入新貨,唉...

這齣電影是泰國戲,香港譯名叫做"13駭人遊戲",全班底都是泰國本地人,改篇自小說,可說是集驚悚與黑色幽默於一身。雖然現時政局立立亂,但他們創意真的不可小覷,雖然不是什麼大制作,但故事由頭帶到落尾,驚喜(驚嚇)不斷,真是絶無冷場。Wiki話荷里活也買了電影的版權,真係識貨。

故事講述一位鬱鬱不得志的小職員,在頭頭碰著黑之下,一天竟然接到了一個邀請他參加遊戲的電話,只要他過了十三關,便可以獲得高達一億泰侏的獎金。而每過一關,他的銀行存款便立刻遞增,誘使他一直繼續玩這個遊戲。當然引人入勝的地方,便是遊戲越玩越變態,另一方面又有警方的追捕,亦有希望幫助他的女同事,令故事一直都很緊湊。

男主角是一個混血兒,不過全套戲都是以小文員Look再加爛身爛勢的做型,所以唔駛祈望佢會吸引到你。因為他極像我一位越南的同事,下次出trip,真係可以買返隻DVD做手信。

十三關的遊戲由打死一隻蒼蠅開始,此外有攪小朋友"喊",去搶盲公D錢等等,一直去到第五個任務,主角要走上一家中國餐廳,吃一道食物...

如果你有睇過Fear factor,你應知每次他們都會準備一道嘔心的食物給參賽者,豬肝牛內臟甚至蛇蟲鼠蟻不等。而這次主角要吃的,比fear factor還要嘔心一百倍, 因為這道菜色竟然是...大便。

正好我當時咬著一條香噴噴的粟米,NOW竟然夠膽死無cut到,成篤屎隊埋唻電視前面,哇,真系100個頂!!

接下來的,我還是不說了,不過故事一直保持懸疑及神秘,不斷地去捉緊觀眾的情緒及帶出驚喜,一直至結局都沒有跌WATT,我覺得正是這電影精彩的地方。

5 comments:

karvitz said...

呢套戲我係亞洲電影節睇,當時覺得好好睇,真係有感觀刺激,仲有可以睇埋人性的殘酷,唔錯。

但有朋友睇完就覺得超現實,好唔實在,但睇戲呢家野,睇故唔好駁故其實就最好,我認為值得向人推介下呢齣泰國戲啦。

娜娜 said...

我都有睇。結局有twist,我最中意。

但好似係有上一集的,唔知叫咩但有「12」呢個字,一直搵唔到呢。

聶秀康 said...

講開k寶真係越睇越想死,現在祇看財經/新聞台,娛樂12台巳經冇乜好睇,可能d budget真係比少明哥立晒泥拍懷舊片,13娛樂台重恐怖每日都見徐少明催虛嬌陽電影幾咁勁,張偉健真係超級out總之見到佢個身打扮,小子式的形態真是回到80年代...少明哥簡直係代言人!又無埋英超...又貴,不過簽左約走吾甩...!想死呀.
泰國電影看過一套'鬼妻'很不錯!

Xavier said...

Karvitz: 聽故唔好摶故...haha係呀.

nana:我買dvd時見到係有套12xx,不過wiki話係trailer黎..唔系full feature film. 反而佢會有套14 xx拍緊,應該系續集。

聶:我都系睇新聞多,有時都會睇下64台班講波佬,好鬼過癮,不過佢送左個nba台比我,而家每日都有一場nba睇。

karvitz said...

娜娜: 你係YOUTUBE 打返13 beloved 之後再睇related video,你就應該會搵到幾段關係 12 的前傳。

而美國那邊已經買左個版權重拍,應該好快就有一齣西洋版面世。

LinkWithin

Related Posts with Thumbnails