Friday, December 19, 2008

聖誕大餐



正所謂一落機,食buffet。

雖然在北京數天,食食埋埋d什麼肥腸呀,血旺呀,成大兜油沐沐煮成的水煮魚、牛...等等。若再加埋buffet d 龍蝦、生蠔之類、膽固醇肯定爆燈吧。但正如vvn所講:

"這個錯,我是絕對犯得起的。"

傷風仍然未痊癒,出門前要啪多兩粒必理痛。慶幸這次不是火鍋,否則全人類將會被我感染。出席都是我們的西安之友團隊,加上好久不見的菲比c和拔先生,山長水遠由屯門出來。而大忙人呀ca要處理秒秒鐘上百萬的生意,沒法出席。

不過沒所謂啦,因為我們與亞ca相識於微時,是一個團隊的,沒分高低...某程度上,我們早已是一位不同面貌的呀ca。

(呢排勤追倪震同vvn的新聞,加埋傷風感冒,開始有點神智不清。)

地點是怡東酒店一樓的buffet餐廳,v小姐數星期前已負責籌備及落訂,還預備不可缺少的抽獎環節,多謝晒。不過v小姐回家後肚痛大作,不知漫漫長夜是否在馬桶上渡過,真是可憐。zz和我都有吃生冷食物,(有人仲一口氣食左七隻生蠔都冇事),但v小姐專挑熟食物來吃,但竟然中招,真是倒楣。看來吃buffet和愛情都是盲目的,好彩與否是上天注定。

雖然外面得十多度氣溫,外型粗獷加上身型健碩,自稱火車頭thomas的西先生仍是T恤赴會。席上有人質疑為何西先生一年四季都穿T-shirt。

自稱火車頭thomas的西先生答:"咁你出街會唔會著底衫,底褲丫?" 據理解是內衣可當面衣穿,而內褲也可以...。

豐富的抽獎禮物,大獎系現金100大洋。

到整晚的高潮,最刺激的抽獎的環節。其實之前我已想好了以一本新出的書作為禮物,但在周日離港前,這書還未出版。我想如果買不到,便扲倪先生本"倪震有話說"出黎抽獎好了。(唉,施主,我真系買左呢本書架。)不過在落機當天,這本人氣新書已經有得賣,在大斷市的情況下,終於搶購了兩本。咁,倪生本書只好留待下次有機會再帶出來好了。

我僥倖地避免了: 恐龍戰隊action figure,thomas火車頭包包等"實用"禮物,最後抽到了一個muji的環保袋,尚算實用,唉,真系可以鬆返啖氣。而那本市面上的斷版新書,便幸運地被zz抽中。整晚她以vvn的口吻,斬釘截鐵地重覆在說:

"我系絕對有資格抽到這本書!!"
"我系絕對有資格抽到這本書!!"
"我系絕對有資格抽到這本書!!"

這句話,一直至離開,我想聽重覆又重覆地聽了十幾次左右啦。其實這書有另外有鮮為人知的秘密,zz也沒有在她的blog上講過...就系...

呢本書的'序'系佢有份寫架。邊本? 咪就系呢本囉

很高興看到不少人出席這聚會。Yoko化裝電髮十分美艷動人,菲比C精神爽利,呀v希望你身體早日健康啦,呀ca雖然無出席但仍祝你工作順利,希望出年你無咁忙啦,呀拔新婚快樂兼新工順順利利,自稱火車頭thomas西先生長做(愛)長有,下次記得帶埋傅穎出唻。zz天天開心快樂,同埋你個blog日日大吉大利。

同時也祝各位讀者有個快樂的聖誕,一年將過,不如意事也煙消雲散,希望大家努力向前,活得開開心心。

6 comments:

穿39號鞋的大頭妹 said...

自從bb由文匯報轉左做「食家蔡san」之後,成個人cute晒...

聶秀康 said...

哈!乜你以前係文匯報...?
祝聖誕快樂!

梁巔巔 said...

Xavier 兄, 你一年有幾多日係香港咖?

Yun said...

呀…… 那本書…… 我都想要啊!! (最好有親筆簽名啦!) (唔該反應下啦。)(買唔到啊大佬。)

Merry Christmas! Heh!

Xavier said...

菲> 做乜又爆我做文匯報呀? :)

聶>大家咁話,聖誕快樂.

梁兄> 我諗多過一半時間既, 其實年尾已經飛少左就真。

Yun>(何XX小姐,XX雲小姐),已向有關人仕反應...。

Happy Holiday :)

Elaine said...

祝有情人終成扣肉,Merry X'mas~~

LinkWithin

Related Posts with Thumbnails