Sunday, December 28, 2008

動漫聖誕

聖誕節沒有什麼特別的活動,主要是在家中休息。除了買禮物,收禮物之外,只是看了幾本書,電影,睇波,catch up 一下日本的漫畫和看了CABLE的一些舊戲等等。



Madagascar 2

I like to move it, move it ... you like to ... move it ! 影片一開頭便播出這首耳熟能詳的theme song, 如果你沒有興奮的感覺,我想這電影可能對你不太適合。或者睇翻福山雅治的伽里略電影版,會比返你多D邏輯。入電影院之前,盡量將腦袋留在家中,否則再睇落去會有人問:點解企鵝會駕飛機、鯊魚會上岸咬人,長頸鹿點解會鐘意河馬... 電影的笑料其實幾瘋狂,過節想嘻嘻哈哈一翻,此電影乃是首選。



容疑者xの献身

書已經看過,電影拍得不錯,故事流暢,沒太多冷場。原著的湯川學神龍見首不見尾,出場兩三次便推理出整件案情,當然內海刑事更加影都冇個。如果太過忠於原著,我想入場的fans肯定會割櫈離場。整體上電影版改篇得不錯,有人嫌硬加了湯川學和石神爬山那段戲,不過既然你入得場咪忍耐小小囉,唔知點解那場雪地戲令我聯想起砂之器臨完場前那段長達三十分鐘的父子流浪記,有可能在解謎前帶觀眾遊一下花園,是日本電影的風格。

堤真一飾演主角之一的石神十分稱職,雖然賣點是兩位天才對決,其實福山雅治跟堤真一本身是朋友,在片中只有惺惺相惜。柴咲的內海薰刑事只是行行企企,沒有什麼感情戲跟湯福山develop,fans可能會有點失望。福山雅治不夠神勇,但戲份仍然頗多,觀眾應該收貨。

電影最大的驚喜不單是佈局精密,結局令人拍案叫絕,而是找松雪泰子來演花岡靖子,石神深愛的對像。邊位系松雪泰子,佢咪系"爆粗Band友"入面個變態社長囉,真系問你估唔估得到?

HUNTER X HUNTER



在冨樫先生又畫又停之下,放棄了這本漫畫一段時間,襯假期再把"嵌合蟻篇"重新再看一遍。沒錯,在中段有好些打鬥場面很求其,有人批評過他並不善畫打鬥,無論如何,故事上整體還算是不錯,每個character都有其性格及故事。不過聽聞聖誕期間呀冨樫先生又再停低休息,唉,返工返成咁都幾唔錯,希望出年睇到過結局篇啦。

另一本catch up的漫畫書便是狐忍,昨天也有看電視台播早期一點的狐忍動畫,打鬥方面跟現在的模式已經有不一樣,前一排的忍術還算是有版有眼,至少都有返D新奇的招式,但而家的主角佐左已經勁到識呼風喚雨,噴火行雷都可以,唔知第時可幾搵邊個同佢抽?

睇波

上場利記主場羅比堅尼以兩球帶領贏波,終於可破連和幾場波的悶局。今晚打紐卡素,對手不強,應該可以再過一關。記憶中近數年利記下半季成績比上半季為佳,英超剛好踼了一半,利記仍是榜首,若可幾維持過往的成績,明年捧杯有望。

17 comments:

聶秀康 said...

雪松太子就是沙之器電視版的女角,天生一張悲劇的面孔,令人印象深刻.

Xavier said...

今晚電視有得做伽俐略chapter0 下章... haha !! (不過聽講無線cut左d)

聶秀康 said...

網上睇吧!

Xavier said...

利記贏波, 車仔失分... yeah. :)

聶秀康 said...

yeah 仲要係大勝...keep going!

肥貓 said...

原來你都有個thread "我愛日劇", 除了伽里略之外, 最近還有看什麼?
Bloody Monday 看過嗎? 一直覺得這套劇很不錯, 可惜尾集有點失望, 好像留下許多問題, 侍續集回答, 很沒趣!

Xavier said...

除左呢套之外,最近都冇乜新既日劇睇過,尋晚先睇左一集"命中註定我愛你"(台劇),我覺得都幾無聊下...唉,你話我幾"背"丫..
不過聽說近來最好睇的日劇是BLOODY MONDAY,等我襯假期煲埋呢套先...:)

程音語 said...

今年真係有機, 希望隊長單野唔好搞咁大獲, 影響隊波啦...

程音語 said...

兩套電影我都睇咗,都好好睇呀。

另外片頭宫崎駿套新戲好似幾好睇喎,農曆新年上。

聶秀康 said...

命中註定...我看了十分鐘...bye bye. 台劇好老土,頂吾順!
bloody monday ???好睇...邊個做架?講乜?
哈哈! 貓貓係度見到妳...! Hi.

神奇隊長剛剛至打左場好波梅開2度,家下飲大兩杯就出事,仲可能飛出國家隊...灰...!希望佢大步攬過!
果晚無拿拿轉播蘇超...冇睇到...亞視就係咁吾會宣下好野冇人知!

Xavier said...

程>宫崎駿套崖上的波兒好似幾好睇,應該會入戲院睇埋。

隊長今次都幾大鑊,但我睇BBC都系無乜details. 英國醉酒佬打架真系周時有,今次希望影響唔系太大啦。

聶>聽講Bloody Monday 係日版的24. haha ... 你話勁唔勁先.Anyway,都要睇完先至可幾話你知講乜。

肥貓 said...

"Bloody Monday" 是改編自同名的漫畫, 描述一名與恐怖組織相對抗的高中天才黑客, 將為拯救地球而戰.
男主角三浦春馬, 樣子亦正亦邪, 可塑性很高.

3ear, Hi Hi

肥貓 said...

Xavier,
係最尾個兩集至有少少24 feel (不停在show剩餘的時間).

聶秀康 said...

24...我睇左3個思神...好累!
亦正亦邪...松田龍平.(其後-松田優作個仔)

Denzel Leung said...

梁弟兄,
新年快樂!!

肥貓 said...

Xavier,

你煲 "Bloody Monday", 我就繼續 "流星之绊", 好忙... ha ha

仲有半小時就是2009年, 就此祝你新年快樂!!

dd2 said...

堤真一的石神steals the show.
福山依然俊朗優雅又高智, 爬山那一場, 是smokescreen吧! 就讓人"假肉緊"一下, 看看石神會不會真的把湯川弄死在山上. 或許, 這是石神向湯川告別的方式吧!

不太支持得住「高智慢熱/理智型男」+「剛烈行動型/每事問女」這種組合. 不過Bones裏, FBI agent Booth + Dr Brennan又玩得幾好喎!

LinkWithin

Related Posts with Thumbnails