Sunday, January 04, 2009

美滿酸辣湯




我喜歡喝酸辣湯,尤其是在冬天,可以暖肚。一碗湯有兩種不同的味道,還有大量的配料如木耳、肉絲、雞蛋和豬紅等等,好像充滿了營養,可抵抗嚴寒。一邊喝一邊咀嚼,極之過癮。記得在三藩市clement街有一間名叫台灣小館的上海菜館,每次幫襯都會點這湯,加上蔥油餅、油條等等,起碼要喝上兩、三碗才罷休。

Weekend跟女友到奧海城看葉問(Finally!),看電影前到人山人海的金滿庭用膳,等了大半個小時才有位置,離開場的時間不多,原本要點的沙鍋雲吞雞唯有放棄,改了點個酸辣湯。發覺他們的湯做得不錯,美味指數可達三粒米茲連星星,可以列入城市驚喜系列,還有熱辣辣的小籠飽,充滿著湯汁,也值得推薦。

酸辣湯的肉跟湯、和酸跟辣的比例不錯,而且用料加入魚肚,很有口感。此外我們點了上湯麵王(麵筋)豆苗、鱔糊蝦仁拉麵、雞絲粉皮,均屬不錯。桌上的餸菜清理了九成,想落都有點嚇人,可能真的是等位太耐的緣故,硬是要加多兩味餸。臨走前還點了桂花糕打包,想落真有點過份,唯一藉口是留待看利記足總杯的宵夜。

葉問好看、桂花糕好味、利記贏波、費托復出,其實我真系好容易滿足。

11 comments:

梁巔巔 said...

Xavier 兄,

"Weekend跟女友到奧海城看葉問(Finally!)"

"Finally" <--- 係指睇咗葉問定有女友呀?

:)

聶秀康 said...

吾通一個人去咩!
酸棘湯...有無厚褔街的唯一,好飲個9菜咸餅好好味,對面有978餐廳甜品幾好,岩女仔!得閒可以試下!

梁巔巔 said...

我好少去戲院睇戲, 去 o親多數都係一個人去睇咖!

Xavier said...

梁兄,

乜你咁風趣呀... :)
我有時都鐘意睇在weekend一個人去睇早場,睇戲時會集中d都幾丫。

Xavier said...

聶> 978我去過喎,果度D豬排幾好食而且夠大件,不過唯一就未去過,下次試完等我比較下先。

Yun said...

> 三藩市clement街有一間名叫台灣小館的上海菜館

這間好吃嗎﹖有去過﹐但好像印象不深。反而附近有間「滿庭芳」﹐我好中意﹐但執左。我好傷心。不過最近發現一間上海野﹐係Geary街﹐都OK架。

(你來唔來唧﹖:P)

肥貓 said...

Xavier,
見到呢問食店我又有野要講.....

此店出名要 "勁" 等, 話說某日我和老公買戲票後, 還未入戲院時先去金滿庭攞籌, 然後再入戲院睇戲, 睇完戲再去返金滿庭, 仲未叫到我地個籌, 套戲一定超過一小時, 然後再等多二十分鐘至入到去食野, 你話經典唔經典!!

Xavier said...

F.C.>真系誇張左d wor.咁咪成2粒鐘。我那天吃晚飯等了大半小時,得40分鐘左右食野,因為怕開場而唔敢叫d煮好耐的菜,下次應該好似你咁睇完戲先食飯。

聶秀康 said...

我未去過,係未真係咁好味.
等咁耐,奧海城應該好多餐廳!

Xavier said...

Yun> 呢個月我冇份過黎SF囉... :)

el el said...

"利記贏波、費托復出"
對此,我都好滿足,
最重要係榜首啊,hohoho~~~

LinkWithin

Related Posts with Thumbnails