Monday, February 09, 2009

利記反勝



利記在FA cup面對愛華頓重賽,在加時出局之餘,更加有隊長謝拉特傷出,可謂賠了夫人又折兵。主場贏車仔的氣勢,不到一周便煙消雲散。

利記作客一向不是強項,加上主力疲倦和受傷,出戰樸茅的正選陣容,並不完整。羅比堅尼賣回熱刺之後,前鋒由法國加盟的尼哥擔正,上半季其實沒有什麼特出表現,而一千七百萬英鎊的左翼杜申拿今季表現亦與身價不符,賴恩巴布雖然速度快,但始終與球隊好像仍是格格不入,覺得他跟班拿約、利拿或古治等相比,合拍程度比其他隊員遜色。

上半球季利記曾以3:2反勝曼城,不過當時主將謝拉特在陣,他一向能給予擁躉信心。之後在主場和史篤城、候城及愛華頓等,面對弱旅仍未能取勝,失分頗多。相反爭標對手曼聯往往在最後關頭能以一球小勝對手,全取三分,更令紅軍擁躉氣憤。

今場賓師以怪陣出擊不果,缺小謝拉特及沙比在陣中泒牌,利記缺少有能力的中場指揮官。上半場只能打成和局,怎知下半場竟然峰迴路轉迴路轉。

下半場六十分鐘利記失波,賓師旋即安排主將艾朗素、古治和托里斯上陣,方能發揮出攻擊力。在兩度落後之下,均能扳平。最後再在補時階段,由王子接應班拿約的底線傳中,頭搥掛網,以3:2反勝對手,戲劇性完場。

昨晚周末睇波到三點半,利記最終反勝,十分精彩,可謂不枉捱更抵夜睇這場波。不過利記這個月會缺少隊長上陣,王子的狀態不知是否完全恢復,也不知可否打足全場,若要奮起趕過曼聯,升上一哥,打後這數個月仍要繼續努力。

.

4 comments:

程音語 said...

Dossena 只係7m, 唔係17m. 佢應該係左後衛, 唔係左中場。

輸左FA Cup今場波後有兩星期休息下,只要週中國際賽無受傷,打後仲有得追。要記住:

With hope in your heart.

* jan said...

很開心見到利迷 =]

今年是我們最有希望的一年
紅軍要加油呀!!!!

el el said...

又一場經典賽事啊!
o個晚真係睇到我熱血沸騰!
失落o左十九年o既冠軍,
今年真係充滿希望!
雖然同曼聯最多可能相差五分,
但最重要係利記同曼聯o既賽事,
而且曼聯已經連勝八場,
餘下賽事唔通唔會失分?

Xavier said...

程>Dossena 只係7m ... thanks for correction. 但都系好多錢.

其實有race都好,一於撐到季尾... !!

LinkWithin

Related Posts with Thumbnails