數月前HBO開始promote"True Blood"這個自家制的電視劇，Trailer十分有趣，又是一齣關於吸血彊屍的故事。難道自Twilight之後，真的是彊屍熱潮不可擋?
後來發覺NOW的HBO竟然不會播True Blood, 留返比MAX去播(改名前的CINEMAX)，真系講句有冇攪錯，唔通要又加多個台咩!!
週未終於有機會睇晒整套劇，發覺故事不俗，更充滿三級的色情和暴力(!)，想在電視台播也應該是淨化版，肯定沒有原裝來得"有趣"。
故事的背景是美國人開始認同彊屍一族的出現，他們生活在市民當中，使用TRUE BLOOD為名的鮮血代替品，令彊屍可以藉這飲料來避免吸人的血。雖然彊屍有超人的能力，但他們的出現卻並未受人類認同，更發生不少的衝突。主角是一位識讀心術的餐廰待應Sookie，和彊屍人Bill發生愛情，中間夾雜著連環殺手的出現，和不同能力的異能者，當然更有身邊人物的愛恨糾纏等等，令故事十分豐富。
電視劇的SEASON 1根據小說第一集改篇，我沒看過原著，但上周經過三聯有售，一套八本而且還有特價。雖然一本書只有Twilight三份一厚，但竟可以拍成十二集的電視劇，實在有點驚訝。而DVD和BLU RAY，則在HMV有售。看完電視後，有衝動把整套書搬回家慢慢細閱...。
若Twilight是青少年版的彊屍愛情故事，True Love一定是百份百兒童不宜的成人戲劇。改篇電視的監制是拍6 feet under的Alan Ball，他說故事的手法流暢，這次更加添不少的懸疑，故事尤勝6.F.U。而且故事中的小人物，經改造後，變成性格複雜和有趣的配角，亦大幅加添了故事的吸引力。若果三級性愛和兒童不宜冇嚇親你，True Blood 應該會合你胃口。
11 comments:
我在飛機看了頭三集, 色情暴力場面亳無保留, 我想應該沒有怎樣刪剪. 我心想假如有保守人士經過我的坐位, 一定以為我變態. Vampire 題材的書向來都有市場, 你看 Anne Rice 的書寫左幾多年就知啦, 不過現在的 Vampire 比以前更走向現代與人間, 由以前被視為怪物到現在成為人人羨慕的身份, 世界變了. True Blood 原來有書? 那麼我都想買來看看. Twilight 看到後期我都有點不耐煩了, 可能我已過了少女期啦.
MM
hihi, (我來搭訕)
可能我個人比較心急, 有時我會嫌此劇有點悶, 尤其Sookie的黑人女友, 有她的支線我也會f.fwd.。
我不是在NOW看, 整套片也露點又大量love scence, 初初看也腦震盪。
Hi MM,
TrueBlood 我見商務到有單行本賣，不用70幾蚊本唔系好抵,但我上amazon見書評唔錯, 三聯有成套賣,有折添,但唔得幾錢... :)
而且alan ball功力好勁, 好似話書入面好多行行企企的人物佢都在劇內將佢地點石成金。
Hi 瘋go,
黑人少女tara和sam跟tara母親的支線不及sookie或sookie細佬jason有趣，又系聽講原著sam同Tara本來系冇愛情線...
tara母親跟靈媒的神怪橋最後被踢爆，反而覺得冇癮。我覺得true blood世界應該有埋靈媒先好玩。
而sam的shaper shifter身份在第一季冇乜機會發揮 (本來以為好勁...)，我諗第二季會有多d故事關於sam。 :)
說得對, Tara母親跟靈媒的一段最後被踢爆, 有點怪怪, 有吸血鬼怎會沒有幽靈,靈媒?
之前看Super Natural 乜鬼都有, 幾個shape shifter都殺人, 看True blood season 1 亞Sam是忠的, 我又有點不慣。
(另外, Jason應是大佬)
系喎,可能jason好鬼幼稚,成日當佢系細佬。SuperNatural睇過一集咁多，果集玩groundhog day條橋，重複又重複過一日，細佬要阻止大佬被殺...但系結局麻麻, 覺得捉到鹿唔識脫角.
True Blood 今個月11號開始Season2!!!不過老老實實一開始就好多色情鏡頭的確有少少嚇塞, 但睇落又覺得依啲鏡頭又合情合理。Jason真係好無腦, 每次見到佢都覺唔耐煩。個人好喜歡最尾幾集先出現既Jessica, 係S2佢戲份唔少~Bill感覺好木, 係戲裡面來來去去都係果幾個表情, 反而Trailers表情更豐富? 對於神婆果part,我諗係想表達信仰同心理作用係幾咁powerful? 勁想知道Maryann係咩人,sam 點解咁驚。haha好期待S2。
ps.見你寫Fringe好吸引走左去睇。最尾果part有啲Sock.不過照Bishop既理論其實應該唔止得兩個空間?
才俊~
恕冒昧，ZZ可好？
HI Shu,
Fringe我睇的進度和明珠台一樣，還未睇到SEASON END，不過聽聞有冼樸客串，極之期待。
至於True blood的JASON,雖然是冇腦，但由佢引出的故事十分有趣。像ALAN BALL之前套6FEET UNDER，配角亦位位有趣，例如主角的同性戀弟弟同時是教會執事... 唔知點解我覺得同JASON的性格有D似。
Hi Anon,
I think she's fine. You can email her :)
Thank you.
Anon
Post a Comment