Thursday, October 22, 2009

《風聲》



其實我對國產片興趣不大,入場只是看過幾齣武俠電影如英雄和夜宴等等,想落其實都是港產武打戲的班底。對於集結號呀、建國大業等等,就算將來有線在播,我也會轉台。

電影《風聲》打著中日戰爭的間諜電影旗幟,及錯綜複雜的攻心計為題材,當然還有大牌的演員卡士。

不過這一切對我來說,都不算太過吸引。

有人看完之後,告之這套其實是一個古堡緝兇的推理劇。

咦,咁咪系偵。探。片。...

整個觀感頓時變得不同,突然好想去睇囉,咩事?

+++

五個幕後嫌疑犯,被人捉晒去一座古堡之中。

嘿嘿,今次仲唔一鑊熟?

呢次仲要玩埋嚴刑迫供喎,哇,乜咁似泰倫天奴果套reservior dogs既?

線索一路在出現,嫌疑犯亦遂個被淘汰,

主角淨系識李冰冰,周迅,黃曉明。

呢3個應該唔會咁快死掛?

但sorry, 原來仲有個蘇有朋,睇完成套戲先知道佢有份做,我淨系記得N年前佢做過還珠格格。

今次最早死系佢囉,好慘。

跟著落黎,嫌疑犯越黎越少喎,估到未呀?

最後水落石出,開估....

完場前再次解釋多次比你聽,之前出現過的線索系有關系架,明未呀?

"哦...原來系咁"

散場。

6 comments:

肥貓 said...

你篇野都寫得好妙!

原來套戲係類似偵探片橋段, 仲以為係國仇家恨嗰隻tim.

瘋go said...

Hi, 請問係咪好血腥?

Xavier said...

Hi F.C.

都有家仇國恨嫁,日本仔vs.中國間諜囉 :)

Hi go,

唔...有d嚴刑拷打的場面,唔算太過血淋淋.

Ingrid said...

我覺得成片真係嘛嘛,淡過水,情節又經唔起推敲,同預告片差太遠:(

Xavier said...

INGRID,

咦,大陸片來看,其實我覺得幾有新鮮感,又唔覺得太差喎... :)

dd2 said...

我喜歡周迅, 對張涵予印象不錯.
也想過去看這戲, 應該還在上映吧?
我老是分不清楚范冰冰和李冰冰...黃曉明, 想起他牛高馬大去演韋爵爺就好笑...

p.s. 在飛機上看了Terminator Salvation, 不是評論講到咁差喎, visual effects 好正. Christian Bale完全洗去Bruce Wayne的影子, 演得很好. 不過最搶鏡是有著人類心臟的機械人Marcus.

LinkWithin

Related Posts with Thumbnails