Friday, December 04, 2009

沙巴天尼




上月某天晚上跟女友到尖沙咀用膳,在網上參考openrice的評論,覺得帝苑酒店的意大利餐廳口碑不錯,於是便打去訂位。

我從未到openrice寫過食評,不過我慨嘆網上能人眾多,很多openrice的食評不單只圖文並茂,更有人投入大量感情。

讀過一篇洋洋3千字(!)的食評,介紹一位仁兄跟女友到sabatini的晚膳,我想寫這篇文章肯定比食這一頓飯的時間多三、五、七倍,不過這篇食評始終加強了我對這餐廳的信心,覺得應該質素不錯。

Waiter說這個月是松露推介月,本人無知地以為:"都好丫,試下新野..."的心情點菜。

當時仍未記起松露??...松露??...松露?? ...是當今世上最昂貴的食物啊!!!

結果就真系..."出事啦!"



點的是意大利雲吞加松露,當食物送到面前,是一碟被女友形容為當今世上最細碟的意粉。我諗有四粒咁上下啦,而我地仲要share...

待應跑到面前,手執一個類似批chesse的工具,將名貴的松露,一片一片地批到碟上,我諗應該有3g左右...丫,唔系,該系 3mg 左右。

唉,真系唔該晒,認真驚貴。

將這薄薄的,好像3M memo紙大小般,的松露放進口中,雖然我己經很努力去咀嚼,但真的是食不到什麼味道。

除了這個松露之外,頭盤和意大利飯都是一般啦,主菜的份量都是很少,唯有食多幾塊麵包啦。

不過甜品值得一讚,而且有不少的選擇,挽回不少分數。後來跟友人提起,說這餐廳好像是由四叔引入,周日的brunch不錯,而且幾抵食,但晚飯偏貴,除非是有特別喜慶,否則都唔會幫襯。

8 comments:

Lois said...

嘩~~~很高檔的食肆呢..
雖然有些貴,但睇張相又好似几浪漫呢..
嘻嘻^^

Mag said...

Xavier..

你好??
第一次黎呢道坐,多多指教!!

自從自己鐘意整歐洲菜餚,
好少出街食意大利菜,
因為好多都好容易整到!
但係松露真係貴價喎!!
個人覺得貴嘢唔一定好食囉!!

其實到高檔餐廳食飯,
我覺得最重要係氣氛及
食物新鮮就好滿意了!!

五師兄 said...

松露提供的是鼻感,而不是口感。

靚的白松露,在你前面「批」的時候應會散發出一些有點像「煤氣」的味道。再批多一點,香味也差不多。

Xavier said...

Hi Lois,

地方同服務都唔錯架,但系越黎越多人,如果去dinner都系book地位好d.

Hi Mag,

Thanks for your message. 我唔識煮意大利餐,都系出街食多。呢間餐廳系幾高檔,不過系嫌密閉式,冇風景睇囉.

Hi 五兄,

我都系第一次試松露,不過如你所講,氣味系幾特別,餐牌好似有3mg同5mg,應該每mg貴100蚊左右,不過如果食佢的香味其實都冇必要揀咁貴。:)

五師兄 said...

你都咪話。初次聞,除了如我所說是似煤氣之外,就冇其他。但這個味係會上癮的!

肥貓 said...

松露的確唔平, 仲要係帝苑酒店的意大利餐廳, 你一定係被周圍既環境所吸引, 所以...... 唔緊要啦, 咪當係增廣見聞law.

openrice有時d comments好奇怪, 同一間食店comments可以好參差, 而且有d都唔係好可靠, 畢竟食係好個人既事, 可以參考但不能盡信, 我也很多次被其中的comments誤導了.

dd2 said...

我有點懷疑, openrice.com部份勁讚/勁踩的食評是"造枚"的.

你不如索性去Grissini算了.

Xavier said...

Hi 2,

以前系灣仔做野,GrandHYATT都系同客去多,自己反而好少去. 不過GRISSINI未去過, 有機會去試下先:)

LinkWithin

Related Posts with Thumbnails