Thursday, May 27, 2010

睇波的日子



世界杯未到,但仍然可以講下法國網球公開賽。 其實四大滿貫都好好睇,尤期是法網及溫布頓,下午開波,放工返到屋企即刻有得睇。澳網都okay,日頭開波,返家可以睇尾場同精華。美網時間最難就,深夜才開波,只能夠睇翌日的重播。

一日可以睇一、兩場波,正好為唻緊的世界杯做定warm up。

今年拿度傷癒回勇,法網開波前已經連掃三個泥地大師賽冠軍,仲打破左亞加斯嘅17個大師賽冠軍紀錄,今年唔少人睇好拿度可以第五次扲獎杯。第一場見到拿度又像昔日咁龍精虎猛,在場上跑來跑去追波,好像有用不完的精力,難怪系今年的大熱。

當然他的死對頭費達拿也不是省油的燈,雖然泥地開季不順利,但在兩周前的馬德里賽事已經開始回勇,打入今年首個泥地的決賽。這次兩人又再有機會再次在決賽碰頭,費達拿的優雅對著拿度的狠勇,十分期待。

開波三日,其實我喜歡看一些後來居上的比賽,在壓力之下,能反敗為勝的賽事,不單要有好技術,還要有好的心理質素,這類賽事尤其好看。前兩天看梅利在先落後兩盤下,在輸波的邊緣,連追三盤反勝法國的加斯基,十分好看,洛迪克也是要打足五盤才能取勝。不過若不是加斯基在下半場體力下降得厲害,應該有機會爆冷。梅利如能藉此戰扭轉最近的頺勢,也未嘗不是一件好事。

上屆冠軍古絲妮索娃在第二圈也是驚險晉級,在第二盤輸五比四落,還要追三個MATCH POINT,在大勢已去之下,竟然又被她扳平,最後還要在第三盤反勝,真是夠戲劇化。

法網有一項特別地方,便是可以看泥地上的球印,來判斷網球是否出界,比電腦判斷還要來得叫人心悅誠服。上年法網在有線播,今年播影權已落在NOW。不過由NOW的體育台播也總好過ESPN/STAR播出,至少唔會搵D講足球的評述員來講網球。去年STAR搵呀江中德去講溫布頓,唉,呢位先生連計分都未清楚,真系聽到把幾火,最後扭去NICAM聽英文評述好過。

4 comments:

數奇門 said...

我一直都覺得網球同NBA 都係英文旁述好過中文, 以前有個打開(教開)網球既..好似叫 鐘X光...係三色台旁述網球, 都算吾錯.

Xavier said...

通常教練講波都幾好, star sports有個印度人vijay, 好似系前球手, 次次大滿貫都搵佢講, 亦系講得唔錯.

dd2 said...

我沒有訂now, 法網得個桔...估計nadal可入決賽, federer就看看會否被Roddick/Murray/Djokovic等人搶灘成功。技術上佢當然係一哥, 不過球賽點都係睇臨場發揮。

Xavier said...

洛迪克,梅利統統出局, 而祖高域或要四強才會相遇,下一盤打上年決賽的對手蘇達寧,今年兩個都好勁,全部都系三盤直落贏對手, 八強戲碼最強都應該系呢場.

LinkWithin

Related Posts with Thumbnails