Sunday, June 20, 2010

英格蘭何去何從?


捱了兩晚眼訓去睇英格蘭,點知踢得一無是處,可謂貫徹英軍近年晉身世界杯決賽周的傳統,每屆都同樣令球迷失望。

當年奧雲在陣,對賽巴西、阿根廷,旋風式入球,但有頭威冇尾陣,最後都系要輸波。

今年第一場對美國,謝拉特四分鐘入球,興奮過後,心想會否又要衰收尾?

果然未到半場,便輸返個烏龍球。

其實美國第一場打得好差,除了個當路雲可以交下波,其他美國球員連面對面傳球都可以出界(!!),其實冇乜組織可言。但堂堂英格蘭大軍仍然無法控制戰局,真是豈有此理?

但第二場悶和阿爾及利亞繼續唔掂,中場搶波都唔夠人黎。雖然個別球員均有一定的鬥志,但拼勁肯定不夠阿爾及利亞班球員,整隊英軍打不出英超的節奏感,賽後被球迷攻擊都係抵鬧。

我半夜三更去睇,條氣都都頂唔順啦,何況有人千里迢迢去現場打氣,球員應該責無旁貸。

若翰連濃兩場都打得差,冇速度冇側撃,未能夠去昔日帶球落底線轉中,唔知系咪仲有傷,但唔應該再打正選。林柏特、巴里、謝拉特三個一齊落場角色重疊,邊個去分波邊個去走位? 郎尼打得差點角唔早D放迪科爾落場。

當年英軍高Q大棍的傳球戰略失敗,束手無策之際,仍然有位叫麥馬拿文的仁兄,可以死扭難扭到敵方禁區發難,制造入球機會。其實而家英軍隊中都有一位仁兄,叫祖高爾可以發揮同等作用,但他後備兩場,卡比露幾時先肯放佢去唻?

下一場若輸波和波都要回家,學黃興桂的說法,英軍要晉級只有三個選擇:
-贏波
-唔可以輸
-砌低對手

英軍何去何從,誰可以擔當英格蘭的救世主?

3 comments:

Anonymous said...

卡比路keep住用胡禮菲臘斯先得人驚呀,呢條友第一場後備入替踢到無影, 第二場波依然都係無影囉.

Anonymous said...

英格蘭叫人膽戰心驚,
尋晚費達拿都係, 差o的俾佢嚇死!!!
最戲劇性係, 最後一set卻6:0大勝~~~

el

Xavier said...

掛住睇世界杯,溫布頓開第一場都冇睇,費達拿在熱身賽對曉域都輸,今年衛冕真系有d難度...

LinkWithin

Related Posts with Thumbnails