Thursday, June 24, 2010

贏返一場



呢排晚晚剩系掛住睇世界杯,連溫布頓開波都唔知,而家夜晚兩個台轉黎轉去好似好忙,咩事?

尋晚又系掛住睇英格蘭的出線大戰,十點半有conference call都唔記得,結果遲左十分鐘先開會。

其實昨晚也是美國隊的生死大戰,但我同美國同事開會,佢地都好似冇乜人care呢件事,唉...

一開波見連濃冇正選真系好事,事關我早已覺得佢的表現真系一般。我好少睇占士米拿的波,但尋晚佢出了幾球斬中波都唔錯,結果造就迪科爾入波,兩位球員狀態不俗,下場可以繼續正選。

唔知系咪英格蘭對返歐洲球隊特別出色,一對賽斯洛文尼亞就冇有怕,攻勢佔了近六七成。所以我覺得下場對德國,未必系咁難踢,其實都系五五波,要看球員的狀態了。

朗尼一直踢不出身價,今場單刀對龍門都可以射失,雖然冇尼日利亞的耶古保龍門口踢失波咁核突,但表現真的比迪科爾比下去了。

美國終於戲劇性首名出線,算是合理。上一場因為球證的誤判,由贏波變和波,若因此而最後導至出局,就真是太過可惜。下一場對加納,對手不強,有望再殺入八強。

3 comments:

梁巔巔 said...

哈哈, Xavier 兄, 星期日英德大戰, 正呀! ^~

肥貓 said...

你果然係英國隊fans喎! World Cup至今你寫的都與英國隊有關.

溫布頓昨日有一場好勁既男單, 足足比賽左百多小時, 最後一局的比數是70:68, 不知道還以為是籃球比賽的比數, 超誇張!!

Xavier said...

Hi 梁兄,

應該會系一場好波,但勝出仲要對阿根庭,會好TOUGH 呢。。

HI FC,

我都睇左ISNER個場一陣,兩位開波都好勁,同埋睇左拿度那場,先輸1:2,最後連追兩盤,幾緊張 :)

LinkWithin

Related Posts with Thumbnails