Tuesday, July 06, 2010

月蝕傳奇


原本唔諗住咁快會睇,但見到FACEBOOK 入面有人大呼 “EDWARD”,這位仁姐並非TEENAGE少女,為何仍然有這種失控行為? 本人覺得甚為奇怪,所以周日忍不住跑走去看了個早場。

原著我只看了1.5本,第二集看到一半便覺得太悶而放棄,不過之後的故事會怎樣發展,仍然有興趣去find out。在飛機上看過了Twilight電影,New Moon冇睇,但大約都估到講乜,這次買飛入場,主要是想感受下這個僵屍熱潮。

在沒有太大的期待之下,我覺得今集的故事不錯,主線是女主角Bella,和兩位男主角:人狼,和彊屍的三角戀,除了三人錯綜複雜的關係,還有一貫情情塔塔的衝突。兩位男主角一文一武,任君選擇:彊屍Edward 雖然臉色太過蒼白,但風度翩翩,予人有文質杉杉的感覺。另一男主角狼人Jacob,大半時間是赤裸上身在走來走去,除了省略了不少電影的服裝費用,一身的肌肉十分搶鏡,在這集應該搶了Edward 不少的風頭。

另一方面是彊屍軍隊的出現,有懸疑成份(!),最後有正邪彊屍加埋狼人的大混戰,夠晒熱鬧。雖然加插了不少的動作場面,但始終呢套系愛情片,當然冇ironman咁飛黎飛去咁過癮。

此外是描述Cullen家族和狼人異族的背景故事,特別是解釋了為什麼彊屍和人狼會變成世仇,和Cullen家族的Jasper跟Rosalie的身世。最後是富野心的彊屍家族(幫會?)的出現,估計應該是下一集劇情的伏線。

雖然我覺得劇情應該比上兩集更加豐富,不過未能阻止我不時以手機上網,因為要忍受d teenager 談情說愛場面,對我始終是個極大挑戰和忍耐。

狼人Jacob全程打赤上陣,Edward在戲中也忍不住講了一句:Does he own a shirt? 我覺得是全片最好笑的地方。

另外一幕女主角Bella 因為在山頂之上,遇著大雪而感到冰冷,為了求生,狼人自告奮勇,以赤裸的身體為Bella取暖,而Edward 因為是冷血,所以只能縮在一旁觀看,酸溜溜的瞪望著他們,劇情荒謬得來真的十分有趣,看得我哈哈大笑。這場情敵對疊,我覺得甚至比結局的彊屍大戰還要精彩。

6 comments:

冬冬 said...

“FACEBOOK 入面有人大呼 EDWARD”

.................係囉﹐點解會有人咁失禮呀? XD

其實你應該直接跳去第四本書breaking dawn﹐我覺得四本中係最尾呢本最好睇!! :)

套戲做到Jacob出場既第一幕﹐全院既女仔都一齊尖叫囉。好好笑~~~

肥貓 said...

我今個friday會去睇, 因為d comments唔錯, 有人話好睇過new moon一百倍, 但係我覺得係new moon唔得至令人覺呢套好睇.

>> 因為要忍受d teenager 談情說愛場面,對我始終是個極大挑戰和忍耐。

yeh! 我都有同感!! 不過愛情三角從來都是電影電視的黃金橋段, 只是拍攝手法見真章而已.

readandeat said...

我上次冇去跟朋友個女一起叫呀,如果自己去,會不會全場只有我這個大嬸呢?

Xavier said...

冬冬:
香港d人比較含蓄d掛,甚少聽到有尖叫聲...

f.c:
我都系yahoo見到有人話好睇過new moon十倍羅,但好難講,我覺得一part part啦...


r&e:

唔緊要丫, 我諗我睇果場都系全場得喎一個大叔... :)

肥貓 said...

睇左啦!

沒有好睇過new moon十倍的感覺, 只是比之緊湊和多些幅線.

我真係要考慮睇唔睇breaking dawn, 因為對這個三角情開始有點有反感(don't know why), 直至現在還是覺得第一集最正!!

瘋go said...

Hi, 我都係睇咗1.5本原著就頂唔順, 所以你入場睇係好有勇氣。

LinkWithin

Related Posts with Thumbnails