Tuesday, July 13, 2010

World Cup 2010 seal with a kiss


有人覺得今屆世界杯辦得不好的原因有三個:悶,唔夠精彩,唔好睇 (究竟我最近系咪睇得黃興桂太多?)

但睇波其實同做人差唔多,你只要focus落多少少好的地方,做人便會快樂一些...說到底,其實這也只是football entertainment, 無謂太過serious.

其實這屆世界杯也算包羅萬有, 都幾富娛性, 記得的有:

- 最差表現獎: 格連的烏龍波, 可能系新的adidas 皮球的關係, 但一位身為國家隊的職業龍門又有乜可能犯下這等低級錯誤呢, 當時真的看到眼都突埋.

- 世紀誤判: 今屆英格蘭衰氣集於一身, 林伯的遠程炮被誤判不入,令英格蘭半場不能追平. 雖然德國這屆確是打得好, 但因為這樣誤判使德國didn't deserve the full credit.

-功夫足球: 荷蘭的迪莊, 那記穿心腿真的看到目瞪口呆,其實在決賽荷蘭真系茅招盡出,加埋個防守中場茅柴雲保美... 同洛賓那兩球單刀失敗, 均不幸成為荷蘭予我決賽的回憶.


-最令人失望表現: 費托。這個應該是因為愛之深而責之切。利記王子今屆因傷而未能入波, 與他在歐洲杯的表現成天同地比. 其實今屆踢得差的不只費托, 還包括:朗尼,雲佩斯,c朗, 美斯今年都唔系咁搶鏡。 表現教人失望的仲有法國,上屆冠軍意大利,所有的非洲的球隊...。

當然,最令人覺得尷尬的,便是在決賽以後備入替,在臨完場前追趕著足球,竟然弄傷自已,最後更要被擔架送出場治理... 慘。 當時真的憺心王子無法上台領獎,不過幸好都可以再次出場, 但聽聞至少要休養多一個多月, 未必可以趕及英超開鑼。




費托在賽後披上利物浦毛巾,拿著大力神金杯合照,對今年失望的利迷來說,是送給支持者今年。最。好。的。禮。物。可惜是下屆王子去向仍然未決,利記開天殺價,王子又突然受傷, 狀態大跌, 油王會不會科水, 仍有待觀望。

最戲劇性賽事:八強加納對烏拉圭。若不是蘇亞雷斯最後一秒以手球一命救全家,烏拉圭早已在八強淘汰,科蘭爭金球獎也無望。我看外國的網頁多數以義正詞嚴的責備這位年輕球員犯規,我覺得只是觀點與角度的問題,若犯規其實也是part of the game 的話,蘇亞雷斯也即時受到紅牌的懲罰, 反而當日與英格蘭對疊的德國門將, 快腳把入球踼走,沒有任何秋後算賬,似乎又冇乜人講,點計?



決賽當天荷蘭決定使用winning ugly 的戰術(請參考洛賓的賽前訪問),果然用超技術使比賽在90分鐘拉成均勢,無可否認,這是荷蘭較德國在戰術上成功的地方。不過一眾隊員如雲佩斯,史尼達及教練等等在賽後批評球証執法,對他們過嚴及偏幫西班牙,這說法便十分可笑。我相信球証韋比已經盡量使場上相方保持十一人對戰,所以上半場放過了荷蘭的迪莊沒有紅牌,(太早趕球員出場使球賽可觀性大減) 荷蘭其實已經算是執返身彩,加上兩次單刀大好機會而不入,輸波真的是與人無尤。


西班牙踢出華麗足球,中場線沙比,沙維,恩尼斯達,加埋費比仔,成個世界杯真系比佢地玩晒,今年贏波合理。登上 youtube,這兩天最多人看的 video,是西班牙隊長兼龍門卡斯拿斯,在訪問中與女友情不自禁的一吻,點擊率比起決賽的精華還要多。

說起卡斯拿斯的女友卡沃內羅,她在西班牙的電視台工作,跟隨國家隊到南洲隨團訪問。在首場西班牙爆冷被瑞士擊敗之後,英國(!!)的報紙竟然報導西班牙舉國麻怨卡沃內羅,在比賽在場內報導,使男友分心而輸波。西班牙的媒體立即要求浧清,認為英格蘭因為今年禁止團員攜同妻子及女友等到世界杯比賽,因而缺乏新聞,所以不惜製造西班牙的糾紛,以增添娛樂性新聞。卡斯拿斯這賽後一吻,不單是因為勝利的喜悅,更是為女友平反。

上屆施丹的頭鎚,成為世界杯最大的遺憾。今年的世界杯 Seal with a Kiss,順利完結,應再沒遺憾。 

正如評述最後一句:This captain is Great!

4 comments:

肥貓 said...

你個conclusion寫得好好呀!

這次 world cup 最最失望就是巴西踢得不好, 被荷蘭打敗..... 所以好憎好憎荷蘭.... 佢地決心打得好 "茅", 踢人多過踢波, winning ugly 的戰術可見佢地好想勝, 不過天有眼, 越想勝越是輸!

Xavier said...

巴西輸波那場我都有睇, 之前幾場踢得唔錯, 但最衰我最鐘意的卡卡又系冇乜球運,上半場射極唔入. 同埋開賽不久洛賓被侵犯之後,羅賓奴跑到荷蘭球員complaint, 睇到佢大聲夾惡個樣,我就覺得好討厭,覺得呢隊波冇乜皇者風範。不過我記得荷蘭好似系唯一可以後上反勝的隊伍,今屆佢同德國都踢得好好。

Anonymous said...

come on, 肥貓, 巴西對荷蘭嗰場, 巴西咪一樣踢得好茅, 不斷咁攻擊有波在腳的洛賓! 唔通巴西踢人多過踢波都叫好波?!

肥貓 said...

Xavier,

Give me five! 我都超.超.超鐘意卡卡, 今次d出名既球星都係無球運,卡卡, 美斯, c朗都表現ma ma.

>> 不過我記得荷蘭好似系唯一可以後上反勝的隊伍

我就係服荷蘭呢樣!

LinkWithin

Related Posts with Thumbnails