Monday, May 31, 2010

又黎法網


男單費達拿率先打入八強,下一盤將會面對Soldering,系上年的決賽的翻板。Soldering 由上年法網突圍而出,而且越打越好,狀態我覺得在拿度及費達拿之後,今年法網最強球手之一,殺入八強都系全部三盤直落擊敗對手,連上盤對斯力Cilic也是輕鬆過關。 斯力曾經在一月打入澳網最後四強, 但對蘇達寧,都系冇得打,佢泥地真系好強。

三號種子祖高域狀態只系一般,而梅利亦已經落敗。不過迪祖高域應該可殺入四強,不過好難過到拿度果一關。

女單形勢比較混亂,大威一直表現不俗,但想不到第四圈給柏露娃兩盤直落淘汰,我諗佢可能後悔點解要換走之前果條長勝的短裙。

柏杜娃其實一直都打得很好,而且發球不俗,但俄羅斯一直人材濟濟,排名一直在舒拉寶娃、迪文蒂娃,古絲妮索娃,同埋莎芬娜之後。舊年睇美國公開賽,八強被美國十八歲的小將澳汀淘汰,真系輸得莫名奇妙。今年柏度娃只需要發揮正常,已經足夠打敗兩位排名比她更前的選手:大威同埋法國的莉莎兒。

下盤對賽同胞迪文蒂娃,贏面亦很大。第三圈睇迪文蒂娃對腳受傷,桔下桔下咁行,輸左第一盤,諗住可以熄機唔駛睇啦,點知結果反勝2:1,真系唔道佢可以點樣贏到波。而家仲要贏埋第四圈,打入八強。雖然佢系5號種子,但系佢開波唔掂,贏唔到d easy points,到最後靠體力戰,真系可以贏到幾多場?

上次澳網比利時新星域美亞表現不俗,舊年美網亦打入四強,本來以為法網會有出色表現,但泥地水準真系一般,在第三圈被捷克的漢洛高娃擊敗,有點失望。反而丹麥的禾絲妮亞琪已經打入八強,新人來講佢表現真系最穩定。不過若面對細威、軒寧、或珍高域等高手,除非對手表現失準,很難想像她能有取勝把握。

打完第一周賽事,我覺得男單最有機會當然系拿度,同費達拿,但蘇達寧有機會爆冷。女單應該系軒寧細威同珍高域去爭,而柏度娃是現時最強的黑馬。

Friday, May 28, 2010

Madonna's blu ray



Sticky & Sweat 好似系目前唯一的blu ray Madonna 演唱會. 看完一遍後,發覺做人點都要睇一次Madonna 的演唱會。出道25年都系咁勁,真是無話可說。

試想想Michael Jackson死後,仲有邊個可以稱得上真正的天皇巨星的?睇完你可以搵到答案。

Give it to me 是整個演唱會最後一首歌,兩個鐘個的concert,由頭跳到尾,最後一part仲可以跳成8分鐘,彈完結他之後,仲要比埋個眼鏡look你睇,型像百變唔會悶親你。

不可以不佩服Madonna的體力加埋精神狀態。blu ray中還有她彩排的片段,由揀dancer到策劃,Madonna落手落腳去做埋,成功不是僥倖。

Thursday, May 27, 2010

睇波的日子



世界杯未到,但仍然可以講下法國網球公開賽。 其實四大滿貫都好好睇,尤期是法網及溫布頓,下午開波,放工返到屋企即刻有得睇。澳網都okay,日頭開波,返家可以睇尾場同精華。美網時間最難就,深夜才開波,只能夠睇翌日的重播。

一日可以睇一、兩場波,正好為唻緊的世界杯做定warm up。

今年拿度傷癒回勇,法網開波前已經連掃三個泥地大師賽冠軍,仲打破左亞加斯嘅17個大師賽冠軍紀錄,今年唔少人睇好拿度可以第五次扲獎杯。第一場見到拿度又像昔日咁龍精虎猛,在場上跑來跑去追波,好像有用不完的精力,難怪系今年的大熱。

當然他的死對頭費達拿也不是省油的燈,雖然泥地開季不順利,但在兩周前的馬德里賽事已經開始回勇,打入今年首個泥地的決賽。這次兩人又再有機會再次在決賽碰頭,費達拿的優雅對著拿度的狠勇,十分期待。

開波三日,其實我喜歡看一些後來居上的比賽,在壓力之下,能反敗為勝的賽事,不單要有好技術,還要有好的心理質素,這類賽事尤其好看。前兩天看梅利在先落後兩盤下,在輸波的邊緣,連追三盤反勝法國的加斯基,十分好看,洛迪克也是要打足五盤才能取勝。不過若不是加斯基在下半場體力下降得厲害,應該有機會爆冷。梅利如能藉此戰扭轉最近的頺勢,也未嘗不是一件好事。

上屆冠軍古絲妮索娃在第二圈也是驚險晉級,在第二盤輸五比四落,還要追三個MATCH POINT,在大勢已去之下,竟然又被她扳平,最後還要在第三盤反勝,真是夠戲劇化。

法網有一項特別地方,便是可以看泥地上的球印,來判斷網球是否出界,比電腦判斷還要來得叫人心悅誠服。上年法網在有線播,今年播影權已落在NOW。不過由NOW的體育台播也總好過ESPN/STAR播出,至少唔會搵D講足球的評述員來講網球。去年STAR搵呀江中德去講溫布頓,唉,呢位先生連計分都未清楚,真系聽到把幾火,最後扭去NICAM聽英文評述好過。

Wednesday, May 12, 2010

Bloody Monday 2


Bloody Monday 的 Season 1 雖然有很重美劇 24 的影子,但仍然給觀眾不少驚喜。

來到 season 2,除了上集的主角:高木滕丸Falcon (三蒲春馬),九條音彌(佐藤健),奸角:J (成宮寬貴),折原瑪雅(吉瀨美智子),Third-I 的一眾警察, 當然還有不少新的恐怖分子登場。

第二集仍是沿用首集的橋段,恐怖分子襲擊東京,政府和 Third-I 束手無策,最後緊要關頭由飛鷹打救,化險為夷。

上集兩名大奸角J和折原瑪雅均十分搶鏡,今集兩人回歸日本,以為再次有發揮機會,點知“J”成套戲都系訓系張床到,吹脹!折原出了幾集又死埋,仲係好老套咁,講一大輪對白,然後死系刑警的懷抱之內,呢D橋真系。。。唉。

此外另一主角九條音彌,今集亦冇乜作用,又系行行企企,但最後比佢估到死怖份之控制是那一間核電廠,真系覺得幾好笑。

新的奸角其實也不錯,今集有7個人,不過嫌他們實在太過神通,或其實是政府和THIRD I 太過無能,總之又系最後靠Falcon遂一收拾。

另外一條故事線講述恐佈份子“螢”,有計劃地把群青少年洗腦,煸動他們作亂。帶出滕丸細妹和同學的故事,其實跟主線冇任何聯繫,覺得格格不入,實在是敗筆。

我覺得上集好睇D,如果第一集有85分,我比今輯70分啦。

Sunday, May 02, 2010

Best and worst joke of the week

有時候最令人捧腹大笑的情節,是來自現實。老實講,睇完我笑左成分鐘。

I mean, how can he be so stupid ... ? On the other hand, 我相信 there is a price to pay for the way people act one day.

Youtube: 「老虔婆」令白高敦選戰玩完.



同場加影,這周收到選舉投票通知, 打開一看,即時心口一涼。
2 words come to mind: 眼冤。

唉,點解你唔比個陳淑莊或者梁家傑比我?




LinkWithin

Related Posts with Thumbnails