Tuesday, March 29, 2011

好戲分享: Black Book


在地鐵中收聽”大把戲”的電台節目,主持不經意地提了Black Book這齣電影,原來是Basic instinct導演Paul Verhoeven的"舊作"。

一向是Total Recall和Starship Trooper粉絲的我,竟然從不知有這套戲,即時對這部電影產生無限興趣。

在旺角買不到DVD,反而搵到張19蚊的VCD ...雖然預計Quality會好差,但忍不住一樣照買,不過真系好抵! (我打算睇完後,再比zz睇多次添,哇,呢舖真系著數晒。)

其實幾個字已經可以講完:Black book 真.系.幾.好.睇。

尋晚原本都幾眼訓,扲起本notebook,睇下可否play一下,結果呢:我捧住部notebook,一邊要丫著電,一邊仲硬要睇... 在有點朦朧的vcd畫面之下,加上細小的螢幕,竟然可以一氣呵成睇完兩個鐘有多的black book。完場才驚覺已是凌晨三點多了,唉,呢次大鑊,第朝仲要返工...

我一向覺得電影大師Paul Verhoeven的電影故事豐富,節奏推進明快,但不會在主角人物的性格,或感情線上放太多的筆墨。然而情節峰迴路轉,一直緊緊捉著觀眾的attention,已經可以彌補一切。

二次大戰時的納稅特務故事,不同的導演,會演譯出不同的風格。像在美國的泰倫天奴會把它變成一個天馬行空的Inglourious bastards. 當然在亞洲也有李安充滿情慾的<色.戒>。而在歐洲的Paul Verhoeven,卻把懸疑緊張滲入故事中,電影如坐過山車一樣,令觀眾喘不過氣來。

上網翻查這電影,原來幾年前的香港電影節中播放過,不過這是非英語的外語片,在香港戲院的正場不上映也不出奇。你可以參考其他網上的影評,均一至讚好,Black Book實在不容錯過。

參考: Mad dog 的 review

No comments:

LinkWithin

Related Posts with Thumbnails