Friday, September 02, 2011

US Open Day 4: 快打旋風


大威傷出, 沒機會看到兩位發球最勁的女單對碰,十分可惜。不過今年要看強横的抽擊,除了大威之外,仍然有很多選擇。

要睇重擊,當然首推前美網冠軍細威,第二round的比賽她只用了47分鐘便解決對手,真係睇緊比賽時,一個唔覺意,系屋企行開行埋,再煮過公仔麵,細威已經可以收工了,誇張!

今期另外一位好勁抽的女單,登登登橙。。。就系舒拉寶娃, 真系OMG,打到有三年前攞到澳網的覇氣,唔系講少。當年佢抽到對手無還擊之力,但亦付出了沉重的代價,攞了澳網冠軍之後要傷出,連澳運都冇得打,休養一年才可復出。

今年舒娃狀態不斷提升,已經返回十大行列,溫網更加打入決賽,今年亦有點運氣,看晉級路線,能威脅她的對手不多,看來要面對細威或禾絲尼雅琪才會受到考驗。

男單比賽在深夜看了一場,前法網冠軍費尼路對今年兩度擊敗費達拿的蒙菲斯,費尼路雖然今年已經35歲,而且剛剛傷癒復出,但實在好波,防守能力很強,面對步大力雄的蒙菲斯甚少犯錯,所以在前三盤打得十分緊湊。

在第三盤蒙菲斯在決勝局贏出,以2:1領先,本以為費尼路應該力氣不繼,回天乏術,但最後竟然是以總盤數3:2反勝。

果然,姜的確是老的辣。





No comments:

LinkWithin

Related Posts with Thumbnails